- İqtisadiyyat
- 11 Sentyabr 2014, 15:38
- 123
Kənd Təsərrüfatı Nazirliyinin bal ayı
Oktyabrın 1-30-da Kənd Təsərrüfatı Nazirliyi Bakıda arıçılıq məhsullarının respublika sərgi-satış yarmarkasını keçirəcək. Bu dəfə qiymətlər sərbəst olacaq.
Sərgidə 400-dən arıçının iştirakı gözlənilir. Sərgi “Arena” ASC-nin binasında (keçmiş "Ayaqqabı fabriki"nin binası) olacaq. Bunun üçün 1500 m2 ticarət sahəsi və anbar ayrılıb. Sentyabrın 11-də məhsullar anbara qəbul olunmağa başlayıb.
Kənd Təsərrüfatı Nazirliyində Turan-a deyiblər ki, 29 sentyabrda arıçılığın aktual problemləri ilə bağlı seminar keçiriləcək. Bu il quraqlıqla əlaqədar məhsul bol olmayıb. Məhsuldarlıq bir pətəkdən 10 kq olub.
Bu ildən Kənd Təsərrüfatı Nazirliyi ilk dəfə arıxanaları qeydiyyata alır. İyul-avqustda 427 arıçıya məxsus 25 556 arıxana qeydiyyata alınıb.
DSK-ya görə, ötən il arı ailələrinin sayı 225,3 mindən 238,3 minə artıb. İl ərzində 2,5 min ton bal istehsal edilib. Bu, 2012-ci ildəkindən 4,1% çoxdur. Azərbaycanda 1 kq bal 15-25 manatdır. 08B
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz