Kənd təsərrüfatına zərər lokal xarakterlidir

Son günlər havaların yağmurlu keçməsi, bəzi yerlərdə dolu düşməsi kənd təsərrüfatına ciddi ziyan dəyməsi ilə bağlı narahatlıq yaradıb. Kənd Təsərrüfatı Nazirliyinin yerli idarələri dəyən zərərin hesablanması ilə maşğuldur. 

Nazirliyin bitkiçilk şöbəsinin müdiri İmran Cümşüdov Turana deyib ki, müşahidələrə və daxil olan məlumatlara görə, Gədəbəy, Samux, Tovuz, Ağdam və İmişli rayonlarının təsərrüfatlarına daha çox zərər toxunub. Bu, meyvə bağlarında, tərəvəz sahələrində, kartof əkinlərində məhsuldarlığa təsir edəcək. Eyni zamanda Aran rayonlarında taxılın yerə yatması müşahidə olunur.

Dəyən zərərinin ödənilməsi məsələsindən danışan nazirlik rəsmisi deyib ki, kompensasiya o təsərrüfatlara ödənilir ki, onlar vaxtında məhsulu sığortalayıb. “Hər il dövlət büdcəsində kənd təsərrüfatı sektorunun, o cümlədən əkin sahələrinin sığortalanması məqsədlilə 1 milyon manat vəsait ayrılır. Təssüf ki, fermerlər sığorta şirkətləri ilə müqavilə bağlamağa meyilli olmadıqları üçün bu vəsaitin az bir hissəsindən istifadə olunur”.

Qaydalara görə, sığorta şirkəti ilə müqavilə bağlayan təsərrüfat sığorta ödəməsinin 50%-ni ödəyir, qalan vəsaiti isə onun əvəzindən dövlət büdcəsi ödəyir.  Təbii fəlakət baş verdikdə və s. hallarda sığorta hadisəsi baş verdikdə sığorta şirkəti dəymiş zərəri ödəyir.

Hər il Azərbaycanda minlərlə hektar sahəyə təbii fəlakət halları nəticəsində zərər dəyir. 08B