Kənd təsərrüfatının yeni kreditləşmə mexanizmi hazırlanır

Kənd Təsərrüfatı Nazırliyi Almaniyanın “Frankfurt School of Finance and Management” şirkəti ilə kənd təsərrüfatının yeni kreditləşmə mexanizminin hazırlanmasına dair  müqavilə imzalayıb. Məqsəd ölkədə kənd təsərrüfatı sahəsində kreditləşmənin keyfiyyətini yüksəltmək və beynəlxalq təcrübəyə uyğunlaşdırmaqdır.

Müqaviləyə əsasən, şirkət mövcud kreditləşmə sistemini təhlil edərək təkmilləşmə üçün tövsiyələr  hazırlayacaq, kənd təsərrüfatı sahəsi üçün yeni müasir kredit məhsulları təklif edəcək.

İlkin razılaşmaya görə, məsləhətçi şirkət kreditləşmə siyasəti üzrə 3 istiqamətdə tövsiyyələr hazırlayacaq.

Birinci istiqamət aqrar sahədə maliyyələşdirmənin strukturunun yaxşılaşdırılmasını nəzərdə tutur. Bu, dövlət büdcəsinin və beynəlxalq maliyyə qurumlarının kredit dəstəyilə özəl investisiyaların uzlaşdırılmasını təmin etməli, büdcə maliyyələşdirməsinin effektivliyini və səmərəliliyini artırmalıdir.

İkinci istiqamət olaraq dayanıqlı kredit mexanizmlərinin hazırlanması nəzərdə tutulur. Bu zaman informasiya və tranzaksiya xərcləri azaldılmaqla bərabər, maliyyə institutlarının riskləri də sığortalanacaq. Məqsəd aqrar sahəyə kreditləri maliyyə institutları üçün cəlbedici etməkdir.

Üçüncü isttiqamət isə kredit və lizinq məhsullarının yaxşılaşdırılması ilə bağlıdır. Məqsəd kənd təsərrüfatı kreditlərini daha sosialyönümlü etməkdir. Nazirliyin məlumatında belə deyilir.

Aqrar sahədə yeni kreditləşmə siyasəti sənədi Dünya Bankının Azərbaycanda həyata keçirdiyi “Kənd təsərrüfatının rəqabət qabiliyyətinin gücləndirilməsi” Layihəsi çərçivəsində hazırlanır. 08D