Bu ilin I yarısında Azərbaycana 682 ton kofe (o cümlədən qovrulmuş və qovrulmamış) idxal edilib. Bu, ötən ilin eyni dövründəkindən 5,5 ton və ya 0,8% azdır. İdxalçıların rəsmi xərcləri isə 14% artıb.
Gömrük Komitəsinin məlumatına görə, bu ilin I yarısında Azərbaycana $174,5 min məbləğində 35,9 ton qovrulmuş və qovrulmamış (kofeinli və kofeinsiz) kofe idxal edilib.
Bundan başqa, $1 mln 767 min məbləğində 646 ton istifadəyə hazır kofe idxal edilib.
Beləilklə, 100 qram qovrulmuş və qovrulmamış kofe sərhəddə 0,48 dollardan, hazır kofe $0,27 sentdən bəyan edilib.
Statistika Komitəsinin məlumatına görə, bu ilin yanvarında pərakəndə satışda 100 qramlıq kofe bankası 3,72 manat, iyunda 3,90 manat olub. Bu, gömrükdə bəyan ediləndən 10 dəfə bahadır.
Bu ilin I yarısında Azərbaycana kofe İsveçrə (12,4 ton), Sinqapur (84,1 ton), Malayziya (298,5 ton), Rusiya (147 ton), Türkiyə (14,6 ton), Ukrayna (29,6 ton) və başqa ölkələrdən gətirilib.
Turan kofe istehlakı bazarı üzrə əvvəlki analizlərində World Resource Institute-un məlumatına əsasən bildirirdi ki, ölkədə orta illik kofe istehlakı təxminən 140 dəfə az göstərilir. Rəsmi məlumata görə, 1 nəfərə kofe istehlakı həcmi cəmi 1 qramdır. Dünyada orta göstərici ildə 1,3 kq-dır.
Azərbaycanda kofe idxalçıları “FBCO” MMC (kofe markası - Gliria Geans), “ASSAM” MMC (Beta Caffito), “Aztrade” MMC (Jacobs, Carte Noire), “Gilan-Ulker Trading” MMC (Ulker), “Coffee Planet Azerbaijan” MMC (Coffee Planet), “Nimex” MMC (Lavazza), “Nestle Azerbaycan” (Nestle) və “NUR” (MacCoffee) şirkətləridir. 08B
İqtisadiyyat
-
İqtisadi Araşdırmalar Mərkəzinin İdarə Heyətinin sədri Qalib Toğrulun rəhbərlik etdiyi araşdırma, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
-
Azərbaycan Dəmir Yolları QSC (ADY) 2025-ci ilin yanvar ayında 713,699 sərnişin daşıyıb ki, bu da ötən ilin eyni dövrü ilə müqayisədə 15% artım deməkdir, şirkət çərşənbə axşamı bildirib.
-
Ötən həftə Azərbaycan mediası pərakəndə çörək qiymətlərinin artacağı barədə məlumat yayıb, bu artımı məhsulun çəkisinin artmasına bağlayıb. Növbəti gün rəsmi bildirişdə hökumətin ölkədə çörək qiymət artımını sanksiyalaşdırmaq niyyətində olmadığı təsdiqlənib. Lakin, bu əsas qida məhsulunun qiymətinin artmasının başqa bir səbəbi ilə təhdid qalır.
Rəy yaz