Korporativ bazar yenidən artır (YENİLƏNİB)

2014 Fevral 20 (Cümə axşamı) 18:26:50

Bu ilin yanvarında korporativ qiymətli kağızların dövriyyəsi 303,4 mln manat olub. Bu, ötən ilin eyni dövründəkindən 4,7 dəfə çoxdur. Artım əsasən Beynəlxalq Bankın səhmlərinin yerləşdirilməsi, İpoteka Fondunun istiqrazlarının alqı-satqısı hesabına olub.  

Qiymətli Kağızlar üzrə Dövlət Komitəsinin məlumatına görə, ötən ay səhm yerləşdirməsi həcmi 105 əqd üzrə 106,7 mln manat təşkil edib. Bu, ötən ilin eyni dövründəkindən 105,2 mln manat çoxdur. Təkrar səhm bazarı ən aşağı göstəriciyə düşüb - 458,8 min manat, o cümlədən Bakı Fond Birjası üzrə 223,6 min manat olub. Ötən ilin yanvarında bu göstərici 28,6 mln manat olub.  

Səhmlərlə əqd aktivliyi də düşüb. 2013-cü ilin yanvarında təkrar bazarda 363, ötən ay 298 əqd bağlanılıb.   

Yeddi əqd üzrə aşağı yerləşdirmə həcmi fonunda (22 454,6 min manat və ya 12%) təkrar korporativ istiqrazlar bazarında həcm 173,8 mln manat olub. Bu, ötən ilin eyni dövründəkindən 20 dəfə çoxdur. Birja statistikası göstərir ki, burda əsas alət AİF istiqrazlarıdır (96%). Aşağı faiz dərəcəsinə baxmayaraq (3%), AİF-in təminatlı istiqrazları maliyyə təşkilatlarında çox populyardır. Onlar indiyədək 176 mln manatlıq istiqraz alıb. 

İnvetorlar AccessBank”, “Bank of Baku”, “FİNCA Azerbaycan”, “Bakcell LTD” və “UNİBANK KB” istiqrazlarına da maraq göstərir. 08B