KTS yanvarda sığorta bazarının lideri olub

Bu ilin yanvarında könüllü tibbi sığorta (KTS) prezidentin xanımı Mehriban Əliyevanın qohumlarının dayaqlarından olan Paşa Sığortanın ARDNŞ ilə əməkdaşlığı fonunda sığorta bazarının lideri olub. 

Bu növ üzrə 26 mln 590,31 min manat mükafat yığılıb. Bu, həyat yığım  sığortasından 20 mln çoxdur. Deyilən növ üzrə 6 mln 725,81 mln manat toplanıb. Avtomobillərin könüllü sığortası (3,81 mln), hava gəmilərinin sığortası (3,67 mln) və avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) 3,7 mln manatla 3 mln həddini keçib. 

Ümumilikdə sığorta bazarının həcmi 53 mln 919,35 min manat olub. İl ərzində artım (1 fevral 2012-ci ilə kimi 37,02 mln manat toplanmışdı) 31,4% təşkil edib. 

Mükafatların çoxu könüllü növlər üzrədir – 48 mln 576,88 min manat. Bu, ötən ilin ümumi göstəricisindən 11 mln çoxdur. 

Beləliklə, bədbəxt hadisə və xəstəliklərdən sığorta üzrə 676,68 min manat, hava nəqliyyatı vasitələri sahiblərinin mülki məsuliyyətinin sığortası üzrə 2,44 mln manat, yük sığortası üzrə 947,47 min manat, dəniz gəmilərinin sığortası üzrə 28,1 min manat yığılıb. 

Avtonəqliyyat vasitələri sahiblərinin mülki məsuliyyətinin sığortası üzrə 90,52 min manat, əmlakın yanğından və başqa risklərdən sığortası üzrə 1,81 mln manat, könüllü sığortanın başqa növləri üzrə 608,19 min manat (çoxu əməkdaşların dələduzluğundan sığorta üzrədir) mədaxil olub. 

Xaricə səyahət sığortası üzrə 100,33 min manat, kənd təsərrüfatı bitkilərinin sığortası üzrə 8,9 , ev heyvanlarının sığortası üzrə 1 min manat toplanıb. 

Ümumi mülki məsuliyyətin sığortası üzrə 571,46 min manat, işə götürənlərin məsuliyyətinin sığortası üzrə 17,09 min manat, peşə məsuliyyətinin sığortası  üzrə 235,11 min manat mükafat olub. 

İcbari növlər üzrə 5,34 mln manat toplanıb. Bu, ötən ilkindən 2 mln çoxdur. Hərbçilərin icbari sığortası üzrə 43,29 min manat, məhkəmə və hüquq-mühafizə orqanları əməkdaşlarının icbari sığortası üzrə 56,56 min manat sığorta haqqı yığılıb. 

Əmlakın icbari sığortası üzrə 616,61 min manat, əmlak sahiblərinin mülki məsuliyyətinin sığortası üzrə 25,12 min manat, sərnişinlərin icbari sığortası üzrə hələlik 0 manat toplanıb. --17D—