Azərbaycanda həkimlərin işə qəbulu qaydaları qəbul edilib

Səhiyyə Nazirliyi «Mərkəzləşdirilmiş qaydada müsabiqə yolu ilə həkimlərin işə qəbulu qaydaları»nı qəbul edib. Sənədin korrupsiya hallarının aradan qaldırılmasına yönəldildiyi deyilir. Sənəd ötən həftə normativ-hüquqi aktlar dövlət reyetrinə salınandan sonra qüvvəyə minib. 

Səhiyyə Nazirliyi sistemində həkimlərin işə qəbulu test imtahanı və müsahibə ilə olacaq.  Buna qədər onlar yerlərdə müsabiqə ilə qəbul edilirdi. 

Müsabiqənin keçirilməsi üçün Səhiyyə Nazirliyi 7 nəfərdən ibarət komisisya yaradır. Komissiya üzvləri yenidən seçilə bilər. Şəffaflıq məqsədi ilə müsabiqəyə QHT və KİV təmsilçiləri buraxılır. 

Vakant yerlər barədə məlumat Səhiyyə Nazirliyinin internet portalında verilir. O, mətbuatda da dərc edilə bilər. Müsabiqədə iştirak barədə ərizə şəxsən və elektron formada verilə bilər. Hər bir iddiaçıya «Yaddaş kitabı» verilir. İmtahana buraxılanlar fərdi eyniləşdirmə kodu alır. İddiaçılar imtahana qədər fotoşəkil olan buraxılış kartı alacaq.  İmtahan sualları 3 mürəkkəblik dərəcəsində olacaq. Onlar hər il 10-20% yenilənəcək. Hazırlanmış suallar toplusunda sualların sayı imtahanda istifadə ediləcək sualların sayından azı 5 dəfə çox olmalıdır. 

İmtahan suallarına daxildir: ixtisas üzrə 40 sual, səhiyyə qanunvericiliyinin əsaslan üzrə 10 sual. Test imtahanının sualları bilavasitə imtahan başlamazdan əvvəl aşkar surətdə ümumi suallar toplusundan seçilir. İmtahan 2 saat çəkir. Hər düzgün cavab bir balla qiymətləndirilir. Komissiya test imtahanının nəticələrini aldıqdan dərhal sonra bəyan edir. Bu nəticələr habelə Səhiyyə Nazirliyinin rəsmi internet səhifəsində yerləşdirilir.

Test imtahanının yekununa görə 30 və ya daha çox bal toplamış namizəd imtahandan müvəffəqiyyətlə keçmiş hesab olunur və müsahibəyə buraxılır.

30 dəqiqəyədək müddətdə aparılır və hər namizədə beş sual verilir. Müsahibənin şəffaflıq əsasında təşkili məqsədi ilə audio-video çəkilişdən istifadə olunur.

Namizədin verdiyi cavab Komissiyanın hər bir üzvü tərəfindən 2, 3, 4 və 5 ballardan biri ilə qiymətləndirilir. 25 mümkün baldan ən azı 16 bal toplamış namizəd müsahibə mərhələsini müvəffəqiyyətlə keçmiş hesab olunur.

Müsabiqənin nəticəsi üzrə namizədə müvafiq səhiyyə müəssisəsində işə qəbul olunmaq üçün göndəriş verilir və həmin səhiyyə müəssisəsi bu barədə məlumatlandırılır.

Namizəd göndərişi aldıqdan sonra 3 iş günü müddətində əmək müqaviləsinin bağlanması üçün səhiyyə müəssisəsinə müraciət etməlidir. 1 iş günü ərzində  namizədlə əmək müqaviləsi bağlanılır. 

Səhiyyə Nazirliyinin mətbuat xidmətində Turan-a məlumat veriblər ki, həkimlərin mərkəzləşdirilmiş qaydada müsabiqə yolu ilə işə qəbulu zəruri təşkilati işlər başa çatandan sonra keçiriləcək. 08D

 

Rəy yaz

İqtisadiyyat

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti