Azərbaycanda çalışan 14 min 951 əmək miqrantından 14 nəfər Latviya vətəndaşıdır. Hökumətlərarası sazişə əsasən, onların əmək stajı vətənə qayıdarkən tanınacaq.
Dövlət Sosial Müdafiə Fondunun mətbuat xidmətinin məlumatına görə, bu gün DSMF sədri Səlim Müslümovun Latviya sosial rifah nazirliyinin dövlət katibi Launzeme ilə görüşündə bu məsələ müzakirə edilib.
Müslümovun sözlərinə görə, 1 yanvar 2006-cı ildən xaricdə yaşayan Azərbaycan vətəndaşlarının pensiya və başqa sosial hüquqlarının tanınması istiqamətində iş aparılır. Məsələn, Estoniya ilə saziş imzalanması başa çatıb, bu məqsədlə DSMF nümayəndə heyəti Tallinnə gedəcək.
Müvafiq saziş on ölkə ilə bağlanılıb. Onların sırasında Türkiyə, Gürcüstan, Ukrayna, Özbəkistan və Qazaxıstan var. Belarus və Çexiya ilə danışıqlar başa çatır. Miqrasiya disbalansı ilə bağlı Rusiyanın müvafiq xidmətləri ilə problemlər var. Onlar da həllini tapacaq, deyə Müslümov bildirib. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz