Tbilisi/24.04.13/Turan-BS PRESS: Gürcüstan NATO-ya Əfqanıstandan yük daşınması üçün Bakı-Tbilisi-Qars dəmir yolundan istifadə etməyi təklif edir, bu barədə Gürcüstan XİN rəhbəri Mayya Pancikidze çərşənbə günü İSAF iştirakçısı olan ölkələrin xarici işlər nazirlərinin görüşünün yekunlarına görə bildirib.
Bu görüş dünən Brüsseldə keçirilən NATO nazirlərinin toplantısı çərçivəsində baş tutub. Pancikidzenin sözlərinə görə, görüşdə o, Gürcüstanın Əfqanıstanda təhlükəsizliyə beynəlxalq dəstək missiyasında (İSAF) iştirakı haqqında danışıb. Hazırda Əfqanıstanda 1700 gürcü hərbiçisi var.
“Gürcüstan 2014-cü ildən sonra da Əfqanıstanda kontribusiyasını davam etdirəcək. Hökumətin təşəbbüsünə toxundum və alyansa Əfqanıstandan yüklərin tranziti üçün Bakı-Tbilisi-Qars dəmir yolundan istifadə etməyi təklif etdim”, deyə Pancikidze bildirib.
XİN rəhbərinin sözlərinə görə, bu təşəbbüsü ilk dəfə Gürcüstan baş naziri Bidzina İvanişvili 2012-ci ilin noyabrında NATO baş katibi ilə görüşdə səsləndirib.
Pancikidze qeyd edib ki, “bu, üç ölkənin (Azərbaycan, Gürcüstan, Türkiyə) birgə layihəsidir, 2014-cü ildə Əfqanıstandan yüklərinə və hərbi birləşmələrin çıxarılması başladığı zaman bu layihə NATO üçün maraqlı ola bilər”.
Gürcüstan XİN rəhbəri ümid edir ki, ölkənin bu təklifi alyans üçün məqbul olacaq. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz