2015-ci il iyunun 1-i üçün Azərbaycanda işləyən 24,393 min əcnəbi vətəndaş Dövlət Sosial Müdafiə Fonduna (DSMF) icbari sosial sığorta ayırmaları həyata keçirir. Bu, ilin əvvəlindəkindən 8,3% çoxdur.
DSMF-in məlumatında deyilir ki, dövlət sosial sığorta sistemində fərdi hesabı olan əcnəbilərin 88,75%-i kişilər, 11,25%-i isə qadınlar təşkil edir.
Hazırda 104 ölkənin vətəndaşları DSMF-də qeydiyyata alınıb. Bu şəxslər üçün fərdi sosial sığorta hesabları açılıb və onların icbari dövlət sosial sığorta ödənişləri bu hesablara yığılır.
Daha çox leqal əmək miqrantı Türkiyə (12,702 min nəfər), Gürcüstan (2,699 min nəfər) və Rusiyadandır (1,403 min nəfər).
Ardınca İran (924), Çin (808), Hindistan (758), Pakistan (491), Böyük Britaniya (410), Banqladeş (308), Ukrayna (307) gəlir.
Azərbaycanda 2006-cı ildən respublikada işləyən əcnəbi vətəndaşların icbari sosial sığorta üzrə ödənişlərə cəlb olunması prosesinə başlayıb. --17D—
İqtisadiyyat
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
Rəy yaz