Maliyyə Bazarlarına Nəzarət Palatası üçün 2 mln manat

Martın 10-da mətbuatda prezident İlham Əliyevin Maliyyə Bazarlarına Nəzarət Palatasının (MBNP) yaradılması ilə əlaqədar bir sıra qanunvericilik aktlarıma dəyişikliklər haqda qanunların tətbiqi haqqında fərmanını dərc edilib.

“Qiymətli kağızlar bazarı haqqında”,  «Banklar haqqında», «Azərbaycan Respublikasının Mərkəzi Bankı haqqında” , «Lotereyalar haqqında», «İnvestisiya fondları haqqında» qanunlara dəyişikliklər investisiya şirkətləri, mərkəzi depozitar, kommersiya və investisiya bankları, lotereya oyunlarının təşkilatçılarının MBNP-nin hesabına müəyyən məbləğ ödəməsini nəzərdə tutur.

Palata həmçinin sığorta şirkətlərinin fəaliyyətinə nəzarət edəcək.

Bu yaxınlarda təsdiq edilən 2016-cı ilin dövlət büdcəsində MBNP-nin maliyyələşməsi nəzərdə tutulmayıb.

Prezidentin bu il fevralın 3-də imzaladığı  fərmana əsasən (http://ru.president.az/articles/17670), Palata Qiymətli Kağızlar üzrə Dövlət Komitəsi, Maliyyə Nazirliyinin Dövlət Sığorta Nəzarəti Xidməti və Mərkəzi Bank yanında Maliyyə Monitorinqi Xidmətinin bazasında yaradılır.

Əvvəllər QKDK-nın 2016-cı il üçün büdcəsi  1 mln 427 535 manat məbləğində təsdiq edilib. Həmçinin DSNX dövlət büdcəsindən 396 483 manat almalı idi. AMB-nin mətbuat xidmətində Turan İA-nin MMX-nin saxlanmasının neçəyə başa gəlməsi barədə informasiya sorğusuna cavab verməyiblər.

Buna qədər nə banklar, nə investisiya şirkətləri, nə də maliyyə və fond bazarı iştirakçılarının nəzarət orqanları qarşısında öhdəliyi olmayıb. İndi MBNP öz  qiymət siyahısını qəbul edib, bu kommersiya strukturlarını müəyyən məbləğ ödəməyə məcbur edəcək. 

MBNP prezident onun nizamnaməsini təsdiq edən kimi fəaliyyətə başlayacaq. 08B