Aprelin 23-də Maliyyə Nazirliyi “Azərbaycan Beynəlxalq Bankı” ASC-yə 51 mln. 68 min 949,93 manat ödəyib. Beləliklə, səhmlərin yerləşdirilməsini baş tutmuş hesab etmək olar.
ABB səhmdarlarının bu ilin 28 yanvar tarixli qərarına görə, bank nizamnamə kapitalının artırılması üçün üç ay ərzində səhmdarlardan 100 mln. manat cəlb edib. Bundan əlavə, aprelin 2-də daha 200 mln. manat kapital cəlb edərək onu 890 mln. 192,3 min manata çatdırmaq qərara alınıb.
Bakı Fond Birjasının Listinq komitəsi bu ilin aprelində ABB-nin səhmlərini birinci səviyyəli kotirovka vərəqəsinə daxil edib. Belə ki, o vaxta qədər orada yalnız “DemirBank” ASC-nin qiymətli kağızları vardı.
Dövlət ABB-də 51,07% səhmə sahibdir.
ABB səhmlərinin nominal dəyəri 0,27 manat təşkil edir və yerləşdirmə bu qiymətə həyata keçirilir. Açıq satışda həmin səhmlərə 0,14-0,15 manat verilir.
ABB 1992-ci ildən fəaliyyət göstərir. “Azərbaycan Beynəlxalq Bankı” ASC qrupuna Gürcüstan və Rusiyadakı törəmə banklar, sığorta, lizinq və prossessinq şirkətləri və digər kommersiya qurumları daxildir.08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz