Aprelin 30-da Belçika nümayəndə heyətinin iştirakı ilə növbəti biznes forum keçiriləcək. Azərbaycanda İxracın və İnvestisiyaların Təşviqi Fondunun (AZPROMO) məlumatına görə, forum Belçika Krallığının xarici ticarət üzrə dövlət katibi Pieter De Kremnin ölkəmizə səfəri çərçivəsində keçiriləcək. Onu iqtisadiyyatın müxtəlif sektorlarını təmsil edən 40-dək şirkətin nümayəndəsi müşayiət edəcək.
Ötən il (aprel, noyabr) Bakıda iki belə tədbir təşkil olunmuşdu. İqtisadiyyat və Sənaye Nazirliyinin məlumatına görə, ticarət, inşaat, nəqliyyat, rabitə, sənaye və digər sahələrdə Belçika kapitallı 20-yə yaxın şirkət fəaliyyət göstərir.
2014-cü ildə Azərbaycanla Belçika arasında əmtəə dövriyyəsi $98,2 mln. təşkil edib ki, bu da 2013-cü ilin göstəricisindən 28,7% çoxdur. Ötən il Belçikadan idxal 41% artıb. Bu ilin 1-ci rübündə iki ölkə arasında ticarət 65% artaraq $26,7 mln. təşkil edib. Azərbaycan Dövlət Gömrük Komitəsi bildirib.
Azərbaycanın Belçikaya ixracı qoz, aviasiya benzini və kimyəvi maddələrdən ibarətdir. Belçikadan ölkəyə 500 növ mal idxal edilir.08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz