Azərbaycan İpoteka Fondunun (AİF) məlumatına görə, 2015-ci ilin I rübündə ipoteka krediti alanların 22,3%-i Xətai, 15,8%-i Yasamal, 14,1%-i Binəqədi rayonunun payına düşüb. Sabunçu (4,6%), Səbail (3,8%) və Qaradağ sakinləri (2,7%) daha passiv olub. Aprelin 1-i üçün AİF xətti ilə Bakıda ipoteka kreditlərinin ümumi sayı 11 min 327 olub. Bu, ümumi kreditlərin 69,4%-dir.
Amma tendensiya dəyişir – 3 ayda Bakıda 207 ipoteka krediti (43,5%) verilib.
Borcalanların 34,4%-i 18-29 yaş, 34,9%-i 30-35 yaş arasında, 30,7%-i isə 36 yaşdan yuxarı olub. Borcalanların 32,8%-i dövlət xidmətində, 29,6%-i müəssisə və firmalarda, 23,8%-i bank-maliyyə sektorunda, 13,8%-i neft-qaz sektorunda işləyir.
İpoteka yolu ilə alınan fərdi mənzillərin 93,3%-i çoxmənzilli binalardadır, mənzillərin 6,7%-i isə həyət evləri təşkil edir.
Mənzillərin 42%-nin sahəsi 40-60, 30,5%-nin 60-80, 10,9%-nin sahəsi 80-100 kvadratmetrdir.
İpoteka yolu ilə alınan mənzillərin 58,5%-nin qiyməti 30 min -60 min manat arasındadır. Bu yolla alınan mənzillərin 33,1%-nin dəyəri 60 min-90 min manat, 4%-nin 90 min-120 min manatdır, 1,7%-nin dəyəri isə 120 min manatdan yüksəkdir.
İpoteka krediti alanların 67,5%-i evlidir, çoxu (82,5%) kişidir. Onların 33,3%-nin məvacibi 1100 manatdan yüksəkdir, 21,6%-nin maaşı 700-900 manat, 19,4%-nin 500-700, 15%-nin 900-1100 manatdır. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz