Maliyyə Nazirliyi büdcə təşkilatları üçün beynəlxalq mühasibat uçotu üzrə təlimlərə başlayır
Maliyyə Nazirliyi yanında Maliyyə Elm-Tədris Mərkəzi Korporativ və Büdcə Sektorunda Hesabatlılıq Layihəsi (CAPSAP) çərçivəsində dövlət büdcəsindən maliyyələşən təşkilatların mütəxəssisləri üçün “Beynəlxalq mühasibat uçotunun əsasları” və “Yeni maliyyə hesabatlarının hazırlanması” üzrə təlimlərin keçirilməsinə başlayır.
Nazirliyin məlumatında deyilir ki, sentyabr ayının 17-dən start götürəcək təlimlərə yerli və beynəlxalq təlimçilər cəlb edilib. Bir neçə mərhələdən ibarət olan təlim proqramı mühasibat uçotu sahəsində ən mötəbər beynəlxalq institutların təlim proqramı əsasında milli qanunvericilik nəzərə alınmaqla hazırlanıb.
Mərkəz mühasibat uçotu sektorunda peşəkar mütəxəssislərin hazırlanması və onların davamlı təhsil konsepsiyasını təmin etmək məqsədilə kommersiya təşkilatları, eləcə də peşəkar karyeralarını qurmaq və potensiallarını tam olaraq reallaşdırmaq istəyən şəxslər üçün beynəlxalq və milli mühasibat uçotu sahəsində ödənişli əsaslarla təlimlərin keçirilməsini nəzərdə tutur. --15D--
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz