BU ilin I yarısında yük daşımaları aviaşirkətlərə 171,7 mln manat gəlir gətirib. Bu, ötən ilin eyni dövründəkindən 0,1% azdır. Yük daşımaları həcmi isə (28,4 min ton) 16,9% artıb.
Dövlətstatkomda Turan-a bildiriblər ki, aviaşirkətlərin yük daşımaları xərcləri (123,5 mln manat) 0,1% artıb. Beləliklə, karqo daşıyıcıların mənfəəti I yarımildə 48,2 mln manat olub.
Bu ilin 7 ayında hava nəqliyyatında yük daşımaları həcmi 32,4 min tona (+17%) çatıb.
Yüklərin əsas hissəsi “Silk Way Airlines” aviaşirkətinin laynerləri ilə daşınır. O, ölkə xaricində fəaliyyət göstərir. DSK-da Turan-a deyiblər ki, yüklərin bir hissəsini “Azerbaijan Airlines” və “Turan Air” aviaşirkətləri daşıyıb.
İqtisadiyyat
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
Rəy yaz