Maliyyə xidmətlərinin inkişafına dair Strateji Yol Xəritəsi açıqlanıb

Maliyyə xidmətlərinin inkişafına dair Strateji Yol Xəritəsi açıqlanıb.
Sənədə əsasən, əsas məqsəd dinamik və sağlam institutlardan ibarət maliyyə sisteminin formalaşdırılması, maliyyə bazarlarının inkişafı, infrastrukturun gücləndirilməsi, tənzimləmə və nəzarət mexanizminin təkmilləşdirilməsi, maliyyə savadlılığının yüksəldilməsidir.

 Turan ekspertlərinin fikrincə, belə səndələr əvvəllər də səsləndirilib. Amma bu, strategiya yox, taktikadır. Bundan başqa,sağlam maliyyə sistemi sağlam real iqtisadiyyatda olur. Azərbaycanın əmtəə dövriyyəsi isə karbohidrogen ixracından asılıdır. Bütün banklar xarici valyuta çatışmazlığı ilə üzləşib. Ölkədə valyuta “qara bazarı” formalaşıb.

Hökumət çətin vəziyyətlı bağlı xarici şok effektindən danışır. «Artan risklər fonunda bəzi maliyyə institutlarının dayanıqlı və uzunmüddətli hədəflərə fokuslanmış biznes modeli və strategiyasının olmaması, habelə bəsit risk idarəetməsi maliyyə sisteminin yeni iqtisadi konyunktura və bazar şərtlərinə uyğunlaşmasını çətinləşdirmiş və maliyyə vasitəçiliyini məhdudlaşdırmışdır», - deyə sənəddə bildirilir.

Hökumət yol xəritəsinin həyata keçirilməsinə 115 mln manat istəyir. Bu, 2020-ci ilədək ÜDM-i 750 mln manat artırmalıdır. --17D—