MBA-Moskva RF iqtisadiyyatına 1,5 mlrd. dollar investisiya edib

 Azərbaycan banklarının Rusiyaya cəlb edilmiş maliyyəsinin böyük hissəsi Bakıdakı Rusiya banklarının payına düşür.

Qəbələdə "Azərbaycan və Rusiya arasında bank işi sahəsində əməkdaşlığın inkişafı" mövzusunda dəyirmi masada AMB baş direktoru Rəşad Orucovun bildirdiyinə görə, 550 mln. dollardan 300 mln. dolları "Vneştorqbank" və "Nikoyl" bankı tərəfindən cəlb edilib. Azərbaycanda 2010-cu ildən etibarən "Rosselxozbank"ın nümayəndəliyi fəaliyyət göstərir, amma o, hələlik kənardan vəsait cəlb etməyib.

Azərbaycanda fəaliyyət göstərən 43 bankdan 35-i Rusiya bankları ilə müxbir əlaqələr qurub, deyə Orucov V Azərbaycan-Rusiya regionlararası forumu çərçivəsində keçirilən tədbirdə bildirib. Onun sözlərinə görə, RF banklarına xeyli çox Azərbaycan maliyyəsi yatırılıb - yalnız bir bankın - MBA-Moskvanın maliyyələşdirmə həcmi (Azərbaycan Beynəlxalq Bankının törəmə qurumu) 1,5 mlrd. dollardır.

AMB-nin baş direktoru bildirib ki, 2013-cü ildə Azərbaycandan Rusiyaya pul köçürmələrinin ümumi həcmi 300 mln. dollar, Rusiyadan Azərbaycana köçürmələr isə 1 mlrd. dollar təşkil edib.

RF-də 2 Azərbaycan bankı var - yuxarıda adı çəkilən MBA-Moskva və "Muğanbank"ın nümayəndəliyi.

Azərbaycanın 22 bankında xarici kapital iştirak edir, onun həcmi 67%-ə bərabərdir. Bu zaman 14 bankda xarici kapitalın payı 50%-i keçir. -17D-