![Neqativlərə qaşrı ardıcıl maarifləndirmə işi olmalıdır](https://turan.az/resized/./turan-750-500-resize.webp)
Neqativlərə qaşrı ardıcıl maarifləndirmə işi olmalıdır
“Jurnalistlər Ekstremal Şəraitdə” (JEŞ) ictimai birliyi “Virtual aləmdə neqativlərin aradan qaldırılması yolları” layihəsinin başa çatması ilə bağlı çərşəmbə axşamı Qadın Hüquqlarını Müdafiə Cəmiyyətində (AQHMC) yekun mətbuat konfransı keçirib.
Mətbuat konfransında qeyd edilib ki, virtual aləmdə baş verən neqativlərin səbəbləri, onların aradan qaldırılması yolları ilə bağlı layihə çərçivəsində iki dəyirmi masa keçirilib. Dəyirmi masaların biri Bakıda, digəri Mingəçevirdə reallaşdırılıb.
Hər iki dəyirmi masada bu neqativlərin əsasən milli, dini, ictimai-siyasi və şəxsi münasibətlər zəminində baş verdiyi nəzərə çatdırılıb. Bu neqativlərin aradan qaldırılması yolunda maarifləndirmə işi əsas vasitə sayılıb. Eyni zamanda, inzibati vasitələrdən və internetin texniki imkanlarından istifadə etməklə, bu neqativlərin aradan qaldırılması mümkün sayılıb. Dəyirmi masalarda orta və daha yuxarı yaşlı nəsil neqativlərə qarşı mübarizədə inzibati üsulları, gənc nəsil isə daha çox texniki imkanlardan yararlanmağı üstün tutub.
Sosial şəbəkələrdə neqativlərin baş verməsinə əsas səbəb kimi insanların bir-birinin əqidə və düşüncəsinə anlayışlı yanaşmaması göstərilib. Belə ki, tərəflər dözümlülük, səbirlilik kimi keyfiyyətlər əvəzinə, ötkəmlik, bir-birinə qəzəb nümayiş etdirməyi üstün tutur. Digər bir cəhət kimi bəzi istifadəçilərin sosial şəbəkələri informasiya paylaşma, ünsiyyət qurulması mənbəyindən şəxsi münasibətlərin aydınlaşdırılması arenasına çevirmələri qeyd olunub. Nəticədə vitrual aləmdə gərginləşən belə münasibətlərin real aləmdə fiziki zorakılıqdan qətllərə qədər bütöv cinayət müstəvisini əhatə etdiyi nəzərə çatdırılıb.
Belə xoşagəlməz halları aradan qaldırmaq üçün özünü idarə edə bilməyən şəxslərin virtual dostluqdan silinməsi, belə şəxslərə qaşrı bloklama və s. kimi üsulların tətbiqi mümkün sayılıb. Gəncləri bu aləmdəki problemlərdən qorumaq üçün valideynlərin nəzarətdə saxlamaları tövsiyə edilib. Bununla yanaşı, “internet xuliqanlığı”na yol verən şəxslərə münasibətdə cəza nəzərdə tutulması da mümkün hesab edilib. Bundan əlavə, əsasən gənclərin sosial şəbəkələrdə yanlışlıqlarının ailələrin dağılmasına, məişət zorakılıqlarına səbəb olması kimi faktlar nəzər çatdırlıb.
Bütünlükdə sosial şəbəkələr müasir həyatın ayrılmaz tərkib hissəsi kimi dəyərləndirilib. İnsanların bu intəhasız məkanda dünyada baş verən proseslərlə operativ tanış olması, düşüncələrini bölüşməsi kimi müsbət halların yaşandığını qeyd ediblər.
Neqativlərə gəlincə isə, buna qarşı ardıcıl maarifləndirmə işi aparılmasının zəruriliyi xüsusi olaraq önə çəkilib. -05C-
-
- İqtisadiyyat
- 24 İyun 2014 15:59
-
- Siyasət
- 24 İyun 2014 16:33
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz