MDB memarları Bakıda şəhərsalma və tikintinin aktual problemlərini müzakirə edirlər

Bu gün Bakıda MDB ölkələri tikinti üzrə hökumətlərarası şurasının 34-cü iclası keçirilir. Birliyin tənzimləyici strukturlarının təmsilçiləri şəhərsalmanın aktual problemləri, ərazilərin inkişafının məkan təşkilinin təkmilləşməsi, mənzil siyasəti, tikintiyə arxitektura nəzarəti, binaların təhlükəsilziyi məsələlərini müzakirə edəcəklər. 

Bakıda şəhərsalmanın inkişafı barədə Dövlət Şəhərsalma və Arxitektura Komitəsinin sədri Abbas Ələsgərov məruzə edib. Onun sözlərinə görə, Böyük Bakının 2030-cu ilə kimi inkişaf konsepsiyası Abşeron yarımadasında torpaqdan istifadənin yenidən təşkili prosesinə yönəldilib. 3 min ha sənaye rayonu regenerasiya ediləcək. Bu ərazi əvvəllər sənaye mərkəzi olub. Bu gün bu istehsallar aktuallığını itirib. Eyni zamanda, onlar amfiteatrın mərkəzində yerləşir, ekoloji və funksional tələblərə cavab vermir. Bu ərazidə nəhəng park salınacaq, deyə Ələsgərov bildirib. 

Bakının yeni inkişaf planının detallarından danışan DŞAK sədri deyib ki, 250 min ha sahədə əhali artımı 745 min təşkil edəcək və 2030-cu ildə əhalinin sayı 3,3 mln təşkil edəcək. Mənzil fondu 30,3 mln kv m artacaq və 64,1 mln kv m-ə çatacaq. Adambaşına mənzil sahəsi regionlarda 25 kv m (bu gün 17,3 kv m) olacaq.  Küçə-yol şəbəkəsi yüzlərlə km artacaq. Ələsgərov deyib ki, kənd təsərrüfatı torpaqlarının birbaşa təyinatına yenidən baxılacaq. 

DŞAK rəhbəri deyib ki, noyabrda Böyük Bakının inkişaf planının ictimai müzakirəsi keçiriləcək. 

Bu gün və sabah Rusiya, Ukrayna, Belarus, Tacikistanın şəhərsalma qurumlarının təmsilçiləri çıxış edəcəklər. MDB nümayəndə heyəti İçərişəhərdə, «Baku Crystal Hall» konsert kompleksində olacaq, 18-ci beynəlxalq inşaat sərgisinə gedəcəklər. 08C