«Milli Depozit Mərkəzi» (MDM) 31 dekabr 2014-cü ildən yeni tarif siyasəti həyata keçirir. Ona əsasən, müqaviləni gecikdirən SC-ləri cərimələnəcək.
Bakıdakı SC-lər 300 manat, digər SC-lər 150 manat cərimə olunacaq.
MDM Qiymətli Kağızlar üzrə Dövlət Komitəsi yanında fəaliyyət göstərir. Mərkəz, qanunvericiliyə zidd olaraq, illlik hesabatları vaxtında vermir. Sonuncu illik hesabat 2011-ci ilə aiddir. Bu hesabata əsasən, MDM 1645 emitentin qiymətli kağızlarını saxlayır və onların sahiblərinin reyestrini aparır. Bir neçə il əvvəl mərkəz tarifini dəyişib. Ona əsasən, emitentlər MDM-lə müqaviləni gecikdirdiyi dövr üçün də ödəniş edir.
MDM Bakıdakı SC-lərin nizamnamə kapitalının 0,0 5%-i, kənardakıların 0,025%-i həcmində xidmət haqqı alır.
Cərimə tətbiqi barədə qərar 16 dekabrda səhmdarların ümumi yığıncağında (yeganə təsisçi QKDK) qəbul edilib, ilin son iş günündə açıqlanıb.
2012-ci ilin əvvəlində MDM 101 256 fiziki şəxsə və 625 korporativ investora xidmət edib. 2011-ci ildə MDM-in gəliri 1 mln 111,5 min manat, xalis mənfəəti 101,5 min manat olub. 08B
İqtisadiyyat
-
Azərbaycanın korporativ sektoru, əməkdaşları qiymətləndirmək üçün uyğun bir sistem yaratmalıdır. PASHA Holding-in icraçı direktoru Cəlal Qasımov, Bakıdakı İnsan İnkişafı Forumunda çıxış edərək, əməkdaşların yalnız nəticələrə əsaslanaraq qiymətləndirilməsindən daha irəli getməyin vacibliyini vurğulayıb.
-
Azerbaycanın Xəzər dənizində yerləşən Azeri Central East (ACE) platformasının istifadəyə verilməsi 2024-cü ildə BP üçün mühüm mərhələ olub, BP-nin CEO-su Murray O'Kinkloss 11 fevralda şirkətin 2024-cü il üzrə hesabatını təqdim edərkən belə deyib.
-
Orta Korridor (Transkaspiyalı Beynəlxalq Nəqliyyat Marşrutu, TMTM) boyunca yüklərin daşınması 2024-cü ildə rekord 3,3 milyon ton təşkil edib ki, bu da illik 20%-lik artım deməkdir, deyə Beynəlxalq “Transkaspiyalı Beynəlxalq Nəqliyyat Marşrutu” Assosiasiyasının Baş Katibi Xeydar Abdikəlimov bildirib.
-
Azərbaycanın milli aviadaşıyıcısı AZAL və İsrailin El Al aviaşirkəti kod-şer razılaşması çərçivəsində yeni tərəfdaşlıqlarını elan ediblər, bu da hər iki aviaşirkətin sərnişinlərinə birgə reyslərdən yararlanmaq imkanı verəcək, şirkətlər bazar günü verdikləri bəyanatda bildiriblər.
Rəy yaz