MDM sıfır tarif dərəcəsi tətbiq edib

Bu ayın əvvəlindən Bakı Fond Birjasında həyata keçirilən əqdlər üzrə klirinq və hesablaşma funksiyaları, eləcə də dövlət qiymətli kağızlarının saxlanılması Milli Depozit Mərkəzinə verilib. Bununla əlaqədar MDM özünün xidmət sahələrini genişləndirib. 

Yeni tarif cədvəlinə əsasən, MDM Maliyyə Nazirliyinin istiqrazlarının, Mərkəzi Bankın notlarının uçota qəbulu, əqdlərin qeydiyyatı və saxlanmasına, sahiblərinin reyestrinin aparılmasına görə sıfır tarif dərəcəsi tətbiq edir. Bundan əlavə, O cümlədən, dövlət qiymətli kağızlar ilə əməliyyatların keçirilməsi və tədavüldə olan bütün qiymətli kağızlar ilə klirinq və pul mövqeləri üzrə hesablaşmaların aparılması “0” (sıfır) tarif dərəcəsi ilə həyata keçirilir. 

Maraqlıdır ki, MDM klirinq üzrə operator funksiyası alandan sonra avqustun sonundan mütəşəkkil qiymətli kağızlar bazarında səhmlərin alqı-satqısı üzrə əqdlərinq eydiyyatı dayanıb. Broker şirkətlrəində bunu MDM-in proqram təminatının yenilənməsi ilə əlaqələndirirlər. Brokerlərin depozitarda qeydiyyata alınası yüzlərlə əqdi var. MDM bu məsələni şərh etmir. 

İlin əvvəlində MDM mərkəzi depozitar kimi formalaşıb. Elektron sənəd qəbulu üçün şərait yaradılması üçün yeni tarifə əsasən, MDM müxbir depozitardan hər il 1000 manat alacaq. Belə depozitar Azərbaycanda bir dənədir. MDM-in təsisçisi Qiymətli Kağızlar üzrə Dövlət Komitəsidir. 08B