Emitentlər, investorlar və qiymətli kağızlar bazarının peşəkar iştirakçılarının maraqları nəzərə alınaraq Milli Depozit Mərkəzi xidmətlər üzrə tariflərə əlavə və dəyişiklikləri təsdiq edib.
Dəyişikliklərə əsasən, 4 tarif növü təkmilləşdirilib, 3 xidmət növü üzrə tariflər tətbiq edilib. İnvestisiya qiymətli kağızlara beynəlxalq identifikasiya kodu verilməsinə görə ödəniş ləğv edilib. Dövlət qiymətli kağızların saxlanmaq üçün qəbulu da pulsuz olacaq.
Kommersiya banklarının və sığorta şirkətlərinin saxlanması üzrə tarif başqa emitentlərlə eyniləşdirilib. Mənzil sertifikatlarının saxlanması və onların sahiblərinin reyestrinin aparılması üzrə ödəniş ümumi qayda ilədir, amma onların dövriyyəsi ərzində bir dəfə həyata keçirilir.
MDM ölkədəki digər depozit şirkətinə təklif edir ki, Bakı Fond Birjası ilə elektron iniformasiya mübadiləsi üçün müxbir əlaqələrindən istifadə etsin. Bu xidmət üçün illik ödəniş 1000 manatdır. Bundan başqa, MDM digər depozitardan əməliyyatlara görə hər bir əqd üzrə ümumi məbləğin 0,003%-i müqabilində ödəniş alacaq.
Yeni tariflər iyulun 1-dən qüvvəyə minir. 08B
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz