Mənzil fondunun idarə edilməsində islahatlar lazımdır

2009-cu ilin oktyabrından Azərbaycanda Mənzil Məcəlləsi qüvvədədir. O həm də çoxmənzilli binalarda mənzil fondunun idarə edilməsinə yönəlib. Amma indiyədək bu binalar yerli icra hakimiyyəti orqanlarına tabedir və onları İH-nin mənzil-istismar sahələri idarə edir. Dekabrın 1-də İqtisadi İnkişaf Nazirliyində bu problemin həllinə həsr edilmiş kollegiya iclası keçirilib. 

Mənzil Məcəlləsində qeyd edilir ki, mənzil fondunun idarə edilməsi ilə bu binalardakı mənzil sahibləri məşğul olmalıdır. Bunun üçün müvafiq təsərrüfat hesablı strukturlar yaradılır, onlar mənzil fondunun saxlanması və təmiri üçün ümumi təyinatlı strukturlar cəlb edir. Bu işdə vətəndaşlara bələdiyyələr kömək edə bilər. Bu sektoru tənzimləyən normativ-hüquqi aktlarda mənzil-kommunal sektorda islahatların konkret müddəti göstərilib. Amma indiyəcən heç bir yaşayış məntəqəsində belə birliklər yaradılmayıb. Ona görə İİN kollegiyasında bu istiqamətdə pilot layihələrin icrası, Mənzil Məcəlləsinin yenilikləri və üstünlükləri barədə ictimaiyyətin məlumatlandırılması tövsiyə edilib. 

Nazirlik mənzil-kommunal sektorda islahatların mexanizminin tənzimlənməsi üzrə bir sıra normativ aktlar hazırlayaraq baxılmaq üçün hökumətə göndərib. 08D