Mərkəzi Bank hərracda təklif edilən valyuta həcmini elan etməlidir – iqtisadçı

Mərkəzi Bank hər bir hərracda təklif edilən valyuta həcmini elan etmir, bu, düzgün yanaşma deyil, deyə iqtisadçı Natiq Cəfərli hesab edir.

Turan-ın müxbiri ilə söhbətində o deyib ki, bu məsələ ictimaiyyəti maraqlandırır və onun gizlədilməsi ajiotaj yaradır.

Qeyd edək ki, əvvəllər Mərkəzi Bank və Neft Fondu hər bir hərracda təklif edilən valyuta həcmini elan edirdi. Amma oktyabrdan AMB hərrac qaydalarını dəyişdi.

«İnformasiyanın gizlədilməsi vəziyyətə pis təsir edir. Rusiya və Qazaxıstanda bu informasiya açıqdır», deyə o bildirib.

Başqa bir dəyişikliyə əsasən, hərrac günləri valyuta məzənnəsi sonuncu sessiyada formalaşan qiymət əsasında müəyyən edilir.

Amma praktikada məlum olur ki, AMB-nin elan etdiyi valyuta məzənnəsi hərracda müəyyən edilən qiymətdən yüksəkdir.

İqtisadçı samir Əliyev hesab edir ki, AMB sentyabrda planlaşdırılan referendemla bağlı manatı çox qorudu və ona görə indi milli valyutanı ucuzlaşdırır.

«Hərrac günü manatın AMB-nin elan etdiyi məzənnəsinin hərracda formalaşandan aşağı olması bununla izah edilir» deyə o bildirib.    

Qeyd edək ki, Neft Fondu oktyabrda valyuta hərraclarında $371 mln satdığını elan edib. Sentyabrda Fond 850 mln dollar təklif edib, bunun $631 mln-ı satılıb.

AMB özü sentyabrda hərracda 300 mln təklif edib, bunun $100 mln-ı satılıb.  

Hərracların keçirilməsi qaydalarına görə, oktyabrdan banklar xarici valyuta sata bilər. Amma məlumatlar açıqlanmadığı üçün onların təklif etdiyi valyuta həcmi məlum deyil. 71В