Bakı Metropolitenində bir sərnişinin gedişin maya dəyəri bu ilin I rübündə 66 qəpiyə çatıb. 2012-ci ildə bu göstərici 49,2 qəpik olub.
Dövlətstatkoma görə, 2013-cü ilin yanvar-martında Bakı Metropoliteni sərnişin daşımalarına 33,1 mln manat xərcləyib. Bu, ötən ilin eyni dövründəkindən 41,5% çoxdur. Mədaxil 6,2% artdığı halda xərclərin bu cür artmasının səbəbi məlum deyil.
Bu ilin I rübündə Metropolitenlə 50 mln sərnişin (güzəştlilər də daxil) daşınıb. Bu, ötən ilin eyni dövründəkindən 5,5% çoxdur. Metropolitenin daşımalardan mədaxili 10,4 mln manat olub.
Son dəfə metroda gediş haqqı 2011-ci ilin dekabrında qaldırılıb və avtobuslarda minimal gediş haqqı ilə eyniləşdirilib. --08В—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz