Azərbaycanın Qahirədəki səfirliyi tam tərkibdə normal rejimdə öz fəaliyyətini davam etdirir. Bu barədə Xarici İşlər Nazirliyinin mətbuat xidmətinin rəhbəri Elman Abdullayev Misirdə yaranmış gərginliklə bağlı Azərbaycan səfirliyinin fəaliyyətini Turan-a şərh edərkən deyib.
Onun sözlərinə görə, Azərbaycan vətəndaşlarına yardım göstərmək üçün səfirlikdə “qaynar xətt” fəaliyyət göstərir.
Səfirliyin evakuasiyası barədə qərar yoxdur və diplomatik missiya Azərbaycan vətəndaşlarının təhlükəsizliyinə yardım göstərməyə hazırdır. Səfirlik Azərbaycan vətəndaşlarını kütləvi toplaşma yerlərindən uzaq olmağa çağırıb.
Öz növbəsində səfir Şahin Abdullayev bildirib ki, gərgin vəziyyətlə əlaqədar azərbaycanlı diplomatların ailələri və diaspor üzvlərinin evakuasiyası barədə qərar qəbul edilib. Zərurət yaranarsa, səfirliyin əməkdaşları ölkədən çıxarılacaq.
Qeyd edək ki, 2011-ci ildə Misirdə baş vermiş “ərəb baharı” zamanı Azərbaycan səfirliyinin əməkdaşı Nicat Qocayev həlak olub . 16D
Siyasət
-
Fevralın 6-da ABŞ Konqresinin 20-yə yaxın üzvü Xarici Əlaqələr Komitəsinə qətnamə təqdim edib və Azərbaycan hakimiyyətindən Qubad İbadoğlunun azadlığa buraxılmasını tələb edir.
-
7 fevral 2025-ci il tarixdə Azərbaycan – Ermənistan dövlət sərhədində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Ermənistan Respublikası Əsir düşmüş, saxlanılmış və itkin şəxslər üzrə idarələrarası komissiyasının nümayəndələri arasında görüş baş tutmuşdur.
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
Rəy yaz