![Penitensiar Xidmət hüquq müdafəçilərinin suallarına məhəl qoymur](https://turan.az/resized/750/500/resize/media/2013/main/070400041552.jpg)
Penitensiar Xidmət hüquq müdafəçilərinin suallarına məhəl qoymur
1 saylı Bakı İnzibati-İqtisadi Məhkəməsində Şərafət Məmmədovanın sədrliyi ilə “Siyasi məhbuslarsız Azərbaycan” İctimai Alyansının Penitensiar Xidmətə qarşı iddiası üzrə hazırlıq iclası keçirilib. İddia Penitensiar Xidmətin alyansın sorğularına cavab verməkdən imtina etməsi ilə əlaqədar qaldırılıb.
İclas zamanı cavabdehin nümayəndəsi Penitensiar Xidmətin rəis müavini Hüseyn Əlixanovun məktubunu təqdim edib. Məktubda iddianın təmin olunmaması xahiş edilib. Bu barədə Turan-a alyansın koordinatoru Oqtay Gülalıyev bildirib.
Sorğu cəzaçəkmə yerlərində saxlama şəraiti, həbsdə olanların hüquqları barədə illik hesabatın hazırlanması məqsədilə verilib.
“Məhbusların saxlanması üçün büdcə xərcləri barədə məlumatlar ictimai əhəmiyyətli infromasiyadır və açıqlanmalıdır. Digər tərəfdən həbsxana və məhbusların sayı barədə məlumatlar Avropa Şurasına təqdim olunur və onu öz vətəndaşlarından gizlətməyin mənası yoxdur”, - O.Gülalıyev vurğulayıb.
Hakim mahiyyəti üzrə dinləmələri 15 avqust saat 11:00-a təyin edib.
Alyans aşağıdakı suallara cavab verilməsini xahiş etmişdi:
- Ədliyyə Nazirliyinin sərəncamında neçə istintaq təcridxanası və cəzaçəkmə müəssisəsi var?
- bu müəssisələrin texniki vəziyyəti necədir, regionlarda neçə yeni penitensiar müəssisə var?
- istintaq təcridxanalarında neçə nəfər saxlanılır və cəza çəkir?
- “Həbs yerlərində saxlanılan şəxslərin hüquq və azadlıqlarının təmin edilməsi haqqında” qanunun icrası üçün hansı addımlar atılır?
- niyə bir çox hüquq müdafiəçilərinin penitensiar müəssisələrə baş çəkməsinə icazə verilmir?
- 2011-2012-ci illərdə dövlət büdcəsindən məhbusların qidasının, tibbi xidmətin yaxşılaşdırılmasına və sosial problemlərinin həllinə nə qədər vəsait ayrılıb? 1 məhbus üçün dövlət büdcəsindən nə qədər vəsait xərclənir?
- 2012-ci ildə həbs yerlərində neçə nəfər ölüb?
- Ədliyyə Nazirliyinin Tibb Müəssisəsinə müalicə üçün neçə məhbus göndərilib?
- Məhbuslar ən çox hansı xəstəliklərdən şikayət edir? —06B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz