Hökumətin əsas vəzifələrindən biri meyvə istehsal edən kəndilərin istehsalçı birliklərinin, ixracla məşğul olan təsisatlarının yaradılmasıdır. Ekspert Rövşən Ağayev hesab edir ki, bu gün meyvə ixracından yalnız vasitəçilər qazanır, istehsalçıya az pay düşür.
Azərbaycanda xurma və korolyok yığımı və ixracı başlayıb. Bu meyvənin tonu 200 manata alınır. fəhlə pulunu da çıxanda fermerə ən yaxşı halda hər tonda 150-160 manat (100 USD) qalır .
«Ötən il Azərbaycandan Rusiyaya 89 min ton təzə xurma ixrac edilib. Hər tonun ixrac qiyməti 880 dollar olub. Belə çıxır ki, ixrac qiymətinin ən yaxşı halda 12-13%-i istehsalçıya çatır», deyə iqtisadçı qeyd edir.
Zaqataladan olan jurnalist Əfqan Muxtarlı bildirir ki, SSRİ dönəmində region xurma ixracından milyonlar qazanırdı. Bu gün meyvə satışından gəlir minimal ehtiyaclara çatır. Milyonlarla manat isə vasitəçi və ixracatçıların cibinə gedir. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz