Bakı/25.09.17/Turan: Nəqliyyat, Rabitə və Yüksək Texnologiyalar Nazirliyi yanında "Azərpoçt" MMC milli poçt operatoru iyulda keçirilən tenderin nəticələrini açıqlayıb.
Mal və ləvazimatların alınması üçün 12 lot üzrə 7 qalib məlumdur. Əvvəlki tenderlərdən fərqli olaraq, bu dəfə qalib şirkətlər real fəaliyyət göstərən şirkətlərdir.
Alınacaq malların (mebel, dəftərxana malları, kağız və s.) ümumi məbləği 1,2 mln. manat təşkil edib. Müqavilələr "Crovns", "İnci Group of Companies", "Offissa Dizayn Ko", "Yeni Poliqrafist", "Aspiration Group", "Mark Keytrinq", "9№-li Kiçik Müəssisə" şirkətləri ilə bağlanıb.
Kompüterlərin və ehtiyat hissələrinin, digər texnika və kondisionerlərin alınması üzrə tenderin nəticələri hələlik açıqlanmır.
2015-ci ilin sonunda "Azərpoçt" MMC-nin direktoru Qəmbər Bəybalayev və rabitə sistemindəki digər vəzifəli şəxslər korrupsiya ittihamı ilə həbs olunublar. "Azərpoçt" rəhbərinə qarşı 2 mln. manat mənimsəmə ittihamı irəli sürülüb.
Baş Prokurorluğun məlumatında qeyd olunub ki, "Azərpoçt" MMC və nazirliyin digər kommersiya strukturlarında "yaxın" şirkərlərlə müqavilələr şişirdilmiş qiymətlərlə bağlanıb.
Bu ilin iyulunda Q.Bəybalayev 3 il azadlıqdan məhrum edilib. Dövlət ittihamçısı onun 10 il azadlıqdan məhrum olunmasını tələb edib. Proses zamanı onun dostları dövlətə dəyən 2 mln. manat zərəri ödəyiblər.--08B --
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz