Hökumət Mingəçevir Şüşə lifi zavodunu yenidən investisiya müsabiqəsi yolu ilə özəlləşdirməyə çıxarır. Son 7-8 ildəki cəhdlər nəticə verməmişdi.
“Mingəçevir Şüşə Lifi” ASC-nin bütün səhm paketi (97,78%) müsabiqəyə çıxarılıb. Şüşə lifi və başqa kimya məhsulları istehsalı üzrə təkliflərdən başqa, investorlar dövlət büdcəsinə 300 000 manat ödəməlidir, deyə Əmlak Məsələləri Dövlət Komitsinin məlumatında bildirilir. Təkliflər 28 marta kimi qəbul olunur.
Orta və iri müəssisələrin özəlləşdirilməsi praktik olaraq dondurulub. ƏMDK müsabiqələrinin çoxu formal xarakter daşıyır, çünki şərtlər dəyişmir. Müsabiqələrdə xarici şirkətlər iştirak etmir, özəlləşdirməyə maraq azalıb. ƏMDK informasiya resursunun ingilis versiyasında (www.emdk.gov.az) investisiya müsabiqələri barədə məlumat verilmir.
“Mingəçevir Şüşə Lifi” ASC-nin nizamnamə kapitalı 0,5 mln manatdır. Bu il yanvarın 1-i üçün müəssisənin öhdəlikləri 693,2 min, debitor borcu 137,1 min manatdır. Zavodda 75 nəfər çalışır. 08D
İqtisadiyyat
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
Rəy yaz