Bu ilin I yarısında Azərbaycan 1864,5 ton mis filizi və konsentratı ixrac edib. Bu, 2014-cü ilin eyni dövründəkindən 59,3% çoxdur, deyə Dövlətstatkomda Turan-a bildiriblər.
Bu il misin hamısı Gürcüstana tədarük edilib. 2014-cü ilin I yarısında Qazaxıstana da mis (224,6 ton) ixrac edilmişdi.
Bu il mis filizi və konsentratı ixracından $2 mln 70,2 min gəlir olub. Bu, 2014-cü ilin eyni dövründəkindən 11,1% azdır. Bu ilin I yarısında Azərbaycan misinin tonu $1110,3 olub. Bir il əvvəl o, $878 baha idi.
Azərbaycanda mis filizi istehsalçısı Anglo-Asian Mining Company şirkətidir.
Bu ilin I yarısında Azərbaycanda 784,1 ton mis filizi istehsal edilib. Bu, 2014-cü ilin eyni dövründəkindən 2,3 dəfə çoxdur. 08B
İqtisadiyyat
-
Azərbaycan Prezidenti İlham Əliyev “Azərbaycan Respublikasının Silahlı Qüvvələri” qanununda dəyişikliklər edilməsi haqqında sərəncam imzalayıb. 24 dekabr 2024-cü ildə imzalanan sərəncam, 7 noyabr 2024-cü il tarixli qanunda edilən dəyişikliklərin həyata keçirilməsi ilə bağlıdır və bu dəyişikliklərin praktiki tətbiqini təmin etməyi hədəfləyir.
-
Silk Way Alat Azad İqtisadi Zonası (SW AFEZCO) inkişafının transformasiya mərhələsinə daxil olub. Şirkət Alat Azad İqtisadi Zonasında (AFEZ) Silk Way Cargo Village-in layihələndirilməsi və tikintisi üçün FF Construction ilə mühüm razılaşma imzalayıb. Bu iddialı layihə, Yük Kəndinin əsasını təşkil edəcək üç obyektin – hava hərəkətinə nəzarət mərkəzi, biznes aviasiya terminalı və yanğınsöndürmə stansiyasının planlaşdırılması, mühəndislik işləri və inşasını əhatə edir.
-
Azərbaycan Prezidenti İlham Əliyev Bakı Beynəlxalq Dəniz Ticarət Limanının yükaşırma qabiliyyətinin artırılması məqsədilə sərəncam imzalayıb. Limanın genişləndirilməsi layihəsi üçün Prezidentin ehtiyat fondundan 20 milyon manat (11,8 milyon ABŞ dolları) ayrılıb.
-
Antinhisar və İstehlak Bazarına Nəzarət Dövlət Xidməti ilə yanacaq sektoru üzrə sahibkarlar arasında keçirilən görüşdə həm mövcud problemlər, həm də irəliləyişə yönəlmiş ümidverici addımlar müzakirə edildi. İqtisadiyyat Nazirliyinin təşəbbüsü ilə təşkil olunan müzakirələrdə yanacaq keyfiyyəti məsələləri, istehlakçı hüquqlarının qorunması və ölkədə qəbul olunmuş standartlara riayət olunması kimi mövzular əhatə olundu. Azərbaycanda avtomobil yanacağı uzun müddətdir ki, mübahisəli bir məsələ olaraq qalır.
Rəy yaz