Böyük Britaniyanın Azərbaycandakı səfirliyinin əməkdaşları səfir müavini Stefan Makkornikin başçılığı ilə Naxçıvan Muxtar Respublikasında (NMR) səfərdədirlər.
Turan-ın bölgə müxbirinin verdiyi məlumata görə, Britaniyalı diplomatlar rəsmi şəxslərlə görüşlərlə yanaşı, müxalifət nümayəndələri ilə də söhbət ediblər.
Xüsusən, onlar Xalq Cəbhəsi və Müsavat partiyalarının rayon təşkilatlarının rəhbərləri Yaşar Bağırsoy və Sabir Vəliyevlə görüşüblər.
Bağırsoyun verdiyi məlumata görə, görüşdə NMR-də ictimai-siyasi və sosial-iqtisadi vəziyyət, Azərbaycan və muxtar respublika parlamentinə qarşıda duran seçkilər, siyasi məhbuslar problemi müzakirə olunub.
Elə bu gün Britaniyalı diplomatlar jurnalist və hüquq müdafiəçisi Həkimeldostu Mehdiyevlə görüşəcəklər. -85D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz