Monteneqro baş nazirinin Azərbaycana səfəri

Azərbaycan prezidenti İlham Əliyev oktyabrın 27-də Monteneqronun baş naziri Milo Cukanoviçin başçılıq etdiyi nümayəndə heyətini qəbul edib, xəbəri dövlət başçısının mətbuat xidməti yayıb.

Əliyev qeyd edib ki, baş nazir Cukanoviçin başçılıq etdiyi nümayəndə heyətinin Azərbaycana səfəri əməkdaşlığın inkişafı ilə bağlı məsələlərin müzakirəsi üçün yaxşı imkan yaradıb. O qeyd edib ki, investisiya, enerji təhlükəsizliyi, biznes və s. sahələrində əməkdaşlığın inkişafı da böyük əhəmiyyət kəsb edir.

Baş nazir Milo Cukanoviç prezident İlham Əliyevin Monteneqro ilə əlaqələrə verdiyi əhəmiyyəti yüksək qiymətləndirib.

Görüşdə energetika sahəsində əlaqələrin, Cənub Qaz Dəhlizi layihəsi çərçivəsində, nəqliyyat, infrastruktur, turizm və digər sahələrdə əməkdaşlığın inkişafı məsələləri üzrə geniş fikir mübadiləsi aparılıb.

Cunkanoviçin səfərinə Monteneqro prezidenti Filipp Vuyanoviçin iyunun 12-də Birinci Avropa Oyunlarının açılış mərasimində iştirak üçün Azərbaycana səfərinin davamı kimi baxmaq olar. Həmin vaxt dövlət başçıları TAP və TANAP layihələrinin həyata keçirilməsi perspektivlərini və regional təhlükəsizlik məsələsini müzakirə ediblər.

Azərbaycan Monteneqroda ən mühüm investorlardan biridir. Azərbaycan kapitalı Adriatik dənizi sahillərini fəal şəkildə abadlaşdırır. 2014-cü ilin aprelində burada Kumbor keçmiş hərbi-dəniz bazasının ərazisində 687 mln. dollar məbləğində birgə yeni böyük kurort layihəsi işə salınmışdır. Layihəni 2016-cı ildə başa çatdırmaq planlaşdırılır. Əsas investor SOCAR şirkəti olub, baxmayaraq ki, Azərbaycan Dövlət Neft Şirkəti tender təklifləri bundan xeyli üstün olan “NCH Capital”ı uduzmuşdu. Müqaviləyə əsasən, investora 45 il müddətinə 242 min hektar torpaq sahəsi verilir. “NCH Capital” hər 1 kv. m-in icarəsi üçün 2 avro və gəlirin 5,1%-ni təklif edirdi, bir halda ki, ARDNF 1 kv. m. icarəsi üçün 1 avro və gəlirin 5%-ni təklif edirdi.

Həmin vaxt Cukanoviç bildirib ki, layihə Monteneqro üçün həyati əhəmiyyət daşıyır. O qeyd edib ki, layihə bir çox investorların dərin iqtisadi tənəzzül gözlədikləri üçün geri çəkildiyi bir vaxtda işə salınıb.

Cunkoviç Bakıya Podqoritsadan gəlib. Dünən orada müxalifət iqtisadi siyasətə və NATO-ya daxil olmaq kursuna etiraz edərək, onun istefasını tələb edirdi. Baş nazir bu etiraz aksiyasının təşkilində Rusiyanı və yerli milliyyətçiləri ittiham edib. -0-