İqtisadiyyat naziri Şahin Mustafayev Ruslan Əliyevi Azərbaycanın Rusiyadakı səfirliyndə ticarət nümayəndəsi təyin edib. Nazir bu barədə AZƏRTAC agentliyinə müsahibəsində bildirib.
Ruslan Əliyev hüquqşünas və iqtisadçıdır. Moskva və Londonda ali təhsil alıb. Həm dövlət sektorunda, həm də özəl sektorda böyük təcrübəsi var, iqtisad elmləri namizədidir.
Nazir qeyd edib ki, ticarət-iqtisadi əməkdaşlığın artırılması və mövcud potensialdan maksimum istifadə olunması məqsədilə Moskva şəhərindəki Xalq Təsərrüfatı Nailiyyətləri Sərgisində Azərbaycan pavilyonunun təmirinə və yenidən qurulmasına, həmçinin “Azərbaycan evi”nin yaradılmasına başlanılıb.
Belarusda Azərbaycan Ticarət Evinin yaradılması üzrə işlər aparılır. Növbəti mərhələdə Ukraynada və digər ölkələrdə də ticarət evlərinin yaradılması planlaşdırılır.
Bu strukturların əsas vəzifəsi “Made in Azerbaijan” brendli malların bazarlrda irəli çəkilməsidir. 08D
İqtisadiyyat
-
Azərbaycanda iki il əvvəl qəbul olunan, ötən ilin əvvəlində qüvvəyə minən və Venesiya Komissiyasının tənqid etdiyi "Siyasi partiyalar haqqında" yeni qanun öz təsirini göstərir. Dekabrın 4-də iki siyasi partiyanın - Azadlıq Partiyası və Azad Demokratlar Partiyasının məhkəmə yolu ilə fəaliyyəti dayandırılıb. Ədliyyə Nazirliyi məhkəməyə müraciətinin səbəbini bu iki partiyanın sənədlərində uyğunsuzluqların olmasını göstərib.
-
2024-cü ilin ilk on ayında Bakının ticarət dövriyyəsi ötən ilin eyni dövrü ilə müqayisədə 4,4% artaraq 28,2 milyard manat təşkil edib. Bu barədə Bakı Şəhər Statistika İdarəsi məlumat yayıb.
-
SOCAR və İtaliyanın Intesa Sanpaolo bankı arasında mühüm maliyyə əməkdaşlığı barədə razılaşma imzalanıb. Bu addım SOCAR-ın maliyyə imkanlarını gücləndirmək və yaşıl enerji sahəsindəki iddialı layihələri üçün resurs təmin etmək istiqamətində irəliləyiş kimi qiymətləndirilir.
-
2024-cü ilin ilk 11 ayında Azərbaycan turizm sektorunda güclü bir bərpa müşahidə edib. Dövlət Sərhəd Xidmətinin məlumatına əsasən, ölkəyə 2,41 milyon əcnəbi və vətəndaşlığı olmayan şəxs gəlib ki, bu da əvvəlki ilin eyni dövrü ilə müqayisədə 27,4% artım deməkdir. Bu artım Azərbaycanın turizm məkanı kimi artan cazibəsini, həmçinin mənbə bazarlarının müxtəlifləşdirilməsi və nəqliyyat infrastrukturunun təkmilləşdirilməsi ilə əlaqələndirilir.
Rəy yaz