Belarus Ali Məhkəməsi Lapşinin Azərbaycana ekstradisiyasının qanuni olduğu barədə qərar verib

Çərşənbə axşamı Belarus Ali Məhkəməsi bloger Lapşinin Azərbaycana ekstradisiyası haqqında qərarın qanuni olduğunu etiraf edib, bu barədə BELTA agentliyi məlumat yayıb.

İşə qapalı məhkəmə iclasında baxılıb. Belarus Ali məhkəməsi Minsk şəhər məhkəməsinin hökmünün qanuniliyini və əsaslılığını yoxlayıb. Aleksandr Lapşin məhkəmə zalında iştirak etməyib.

Xatırladaq ki, bir müddət əvvəl prezident Lukaşenko bildirib ki, Minskin Lapşini Azərbaycana verməmək üçün heç bir əsası yoxdur.

Belarus Ali Məhkəməsinin bugünki qərarı yekun qərardır, ondan şikayət və etiraz verilə bilməz, deyə hakim bildirib.

Aleksandr Lapşin 2016-cı ilin dekabrında Azərbaycanın sorğusu əsasında Minskdə saxlanılıb. Yanvarda Belarus Baş Prokurorluğu Aleksandr Lapşinin Azərbaycana ekstradisiyası haqqında qərar qəbuledib. Bloger bu qərardan Minsk şəhər məhkəməsinə şikayət verib, yanvarın 26-da məhkəmə Belarus baş prokurorunun müavininin Aleksandr Lapşinin təhvil verilməsi haqqında hökmünün qanuni olduğu barədə qərar çıxarıb.

Qeyd edək ki, Lapşin Bakıda erməni separatçılarını dəstəkləməkdə və Azərbaycanın suverenliyinə və ərazi bütövlüyünə qarşı yönəlmiş çağırışlarda ittiham olunur. O, həmçinin Azərbaycana saxta sənədlərlə gəlib.

Lapşin eyni zamanda İsrail və Rusiya vətəndaşıdır, bu ölkələr onun Azərbaycana təhvil verilməsinə yol verməməyə çalışıblar, amma Minsk təzyiqə boyun əyməyib. -02D-