Müəllimlərin maaşı nə qədər artacaq?
Milli Məclisin deputatı, iqtisadçı ekspert Vüqar Bayramov müəllimlərin maaşlarının artırılması ilə bağlı məsələyə aydınlıq gətirib.
2024-cü ilin dövlət büdcəsində təhsilə əvvəlki illə müqayisədə 142,8 milyon manat çox, yəni 4 milyard 549 milyon manat ayrılıb. Bu vəsaitin 2 milyard 372 milyon manatı birbaşa ümumi təhsil xərcləridir.
Əmək haqlarının artırılmasına gəlincə, bu il büdcədə 93,6 milyon manat nəzərdə tutulub. Bu vəsaitin 71 milyon manatı attestasiyaya, 22,6 milyon manatı isə məktəb direktorlarının və onların müavinlərinin maaşlarına yönəldiləcək. Bu o deməkdir ki, attestasiyadan uğurla keçən müəllimlərin maaşı artırılacaq. Bu il attestasiya imtahanlarında 30 min müəllimin iştirak edəcəyi gözlənilir.
Mövcud qaydalara əsasən, imtahan mərhələsində 30-50 bal toplayanların maaşı 10%, 51-60 bal toplayanların maaşı isə 35% artır. Bununla yanaşı, V.Bayramov hesab edir ki, differensial sistemin dəyişdirilməsi və maaş artımının müasir qiymətləndirmə sistemlərinə uyğunlaşdırılması lazımdır. “Bu baxımdan biz ümumi sualların 80%-nə cavab verənlərin, yəni 48 bal toplayanların maaşlarının 35%-ə qədər artırılmasını təklif edirik. Təklifimizin maliyyə komponentini hesablamaq və müvafiq qaydalara dəyişiklik etmək lazımdır”, - deyə deputat qeyd edib.
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz