Azərbaycan və Gürcüstan Bakı-Tiflis-Ərzurum qaz (və ya Cənubi Qfaqaz boru kəməri) kəmərinin illik nəql gücünün 45 milyard kubmetrə çatdırılması üzrə layihəni reallaşıdrmağı planlaşdırır. “RİA-Novosti” bu haqda Azərbaycanın sənaye və energetika naziri Natiq Əliyevə isnadən bildirir.
“Azərbaycan və gürcüstan dünya əhəmiyyətli bir neçə layihəni reallaşdırıb.İndi reallaşmasını planlaşdırdığımız regional layihə də çox böyük layihədir”-deyə N.Əliyev qeyd edib. Onun sözlərinə görə, qaz kəməri elə genişləndiriləcək ki, 2017-ci ildən, yəni, “Şahdəniz” yatağının işlənməsinin İkinci mərhələsi çərçivəsində onun nəql gücü 25 milyard kub metrə, gələcəkdə isə 45 milyard kubmetrə çatdırılsın.
2006-cı ilin sonlarında istismara verilmiş bu boru kəmərilə qaz Azərbaycan və Gürcüstanın qərb regionuna, 2007-ci ilin iyulundan isə Türkiyəyə nəql edilir. 2011-ci ildə bu qaz kəmərilə gündəlik nəql həcmi 12,5 milyon kubmetr təşkil edib.
British Petrolium (texniki operator), və Statoil (kommersiya operatoru) hər biri 25,5%, ARDNŞ, NİCO, Lukoil, Total hər biri 10%, TRAD 9% olmaqla bu kəmərin payçılarıdır.-0-
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz