Artıq 3 gündür Naxçıvan MR-da ərzaq bahalanır. Dekabr devalvasiyasından sonra anklavın hökuməti qiymət artımının qarşısını alırdı. Amma görünür, inzibati resurslar iqtisadiyyatın məntiqi qarşısında dayana bilməyib.
Naxçıvandakı mənbə Turan-a bildirib ki, bir çox idxal ərzağının qiyməti sürətlə bahalanır. Məsələn, əvvəllər 230 qramlıq kərə yağı 2,30 manat idisə, indi 3 manata satılır.
«İki devalvasiya dalğası Naxçıvanda müəyyən qiymət artımına səbəb oldu. Ədalət naminə deyək ki, inflyasiya Azərbaycanın başq aregionlarından çox aşağı idi. Amma Dövlətstatkomun gətirdiyi rəqəmlərlə razılaşmaq əsla mümkün deyil», deyə Naxçıvanın təhlükəsizlik mülahizələrindən adı açıqlanmayan müxalifətyönlü sakini Turan-a bildirib.
Azərbaycan DSK-nın məlumatına görə, yanvarda 2015-ci ilin yanvarı ilə müqayisədə NMR-da istehlak qiymətləri 4,5%, ərzaq 1,6% bahalanıb. Bakıda bu dövrdə istehlak qiymətləri 13,2%, ərzaq 21,4%, Gəncədə 15,9% və 24%, Sumqayıtda 11,9% və 16,6%, Masallıda 22,5% və 29,7% bahalanıb. 08
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz