Prezident İlham Əliyevin “Azərbaycan Polad İstehsalı Kompleksinin yaradılması haqqında” 23 aprel sərəncamı kağız üzərində qalıb. Nazirlər Kabineti 6 aydır sənədin icrasını sabotaj edir. Eyni zamanda dövlətə alternativ layihə verən şirkət peyda olub.
Sərəncama əsasən, Nazirlər Kabineti cəmiyyətin ilkin mərhələdə saxlanılması və nizamnamə kapitalının formalaşdırılması üçün Azərbaycan Respublikasının dövlət büdcəsindən zəruri maliyyə vəsaitinin ayrılmasını bir ay müddətində həll etməlidir. QSC-nin nizamnamə və strukturunun hazırlanıb prezidentə təqdim edilməsi üçün 5 ay kifayət etməyib. Nazirlər Kabinetinin mətbuat xidmətində Turan-a bildiriblər ki, onlarda sərəncamın icrası barədə informasiya yoxdur.
Kommersiya Hüquqi Şəxslərin Dövlət Reyestrində «Azərbaycan Polad İstehsalı Kompleksi» QSC barədə məlumat yoxdur. Prezident İlham Əliyev SC-yə sədr təyin etməyib.
“Baku Steel Company” şirkəti bu ilin oktyabrında Gəncə-Daşkəsəndə 1 mlrd 200 mln avro qiymətində qara metallurgiya zavodları tikintisi planını bəyan edib. Hökumətin polad istehsalı planı da bu regionda həyata keçirilməlidir. BSC müəssisələrinin gücü ildə 3 mln ton göstərilir. Şirkət bu zavodlarda 100 min nəfəri işə götürəcək, deyə “Baku Steel Company” MŞ sədri Rasim Məmmədov mətbuata açıqlama verib.
“Daşkəsən Filizsaflaşdırma” Açıq Səhmdar Cəmiyyətinin aktivləri «Azərbaycan Polad İstehsalı Kompleksi» QSC-yə verilib. QSC yaradılan zaman bu kombinatın səhmləri “Det.Al Holding”dən alınıb. Bu holdinq həmçinin əvvəllər Gəncə-Daşkəsəndə ilkin emal polad əridilməsi, metal prokatı istehsalı müəssisələrinin yaradılmasına iddialı idi.
İqtisadiyyat
-
Azərbaycan hökuməti sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin məşğulluğunu asanlaşdırmaq üçün yeni qaydalar qəbul edib. 29 dekabrda Nazirlər Kabineti tərəfindən təsdiq edilmiş qərar, dövlət və özəl sektorun əməkdaşlığı vasitəsilə iş yerlərinin yaradılmasına yönəlmiş məqsədli proqramları əhatə edir.
-
Nazirlər Kabineti xüsusi sosial müdafiə ehtiyacları olan və iş tapmaqda çətinlik çəkən şəxslərə dəstək məqsədilə məqsədli məşğulluq proqramlarını həyata keçirmək üçün yeni qaydaları təsdiqləyib. Dövlət Məşğulluq Agentliyi tərəfindən icra olunacaq bu tədbirlər prioritet iqtisadi sahələrdə iş yerlərinin yaradılmasını təşviq edir.
-
Nazirlər Kabineti 24 may 2024-cü il tarixində qəbul edilmiş qanuna uyğunluğu təmin etmək məqsədilə bir sıra normativ aktlara əsaslı düzəlişlərin edildiyini elan edib. Bu qanun Vergi Məcəlləsi, Gömrük Məcəlləsi, dövlət rüsumları və lisenziyalaşdırma haqqında qanunların yenilənməsinə yönəldilmişdir.
-
Nazirlər Kabineti, ölkənin elektrik infrastrukturunun gücləndirilməsi məqsədilə qəbul edilmiş yeni qanunlara uyğun olaraq, energetika sahəsində əhəmiyyətli dəyişikliklər edib. 29 dekabrda Baş Nazir Əli Əsədov tərəfindən imzalanan qərar, bir neçə əvvəlki hökumət qərarına dəyişikliklər tətbiq edir və elektrik istehsalı və avadanlıqların istismarı ilə bağlı əsas qaydaların ləğvini nəzərdə tutur.
Rəy yaz