![Azsaylı xalqlar, milli azlıqlar Cəmil Həsənliyə səs verməyə çağırılır](https://turan.az/resized/750/500/resize/media/2013/main/092700051318.jpg)
Azsaylı xalqlar, milli azlıqlar Cəmil Həsənliyə səs verməyə çağırılır
“Demokratik elektoratı birləşdirən Milli Şuranın prezidentliyə vahid namizədi bizim Cəmil müəllimə: - “Verdiyim hər bir vədi, hər bir sözü, həyatım bahasına olsa belə yerinə yetirəcəyəm!” – deyən öz layiqli namizədimizə səs verək!” Bu barədə EL Hərəkatı və Milli Şuranın üzvləri Eldəniz Quliyev, Mehdibəy Səfərovun Azərbaycanda yaşayan azsaylı xalqlar, milli azlıqlar və etnik qruplara ünvanlanan müraciətində deyilir.
“Yetər, uzun illər ərzində verilmiş yalançı vədlərə inandıq! Yetər, yalan siyasətə, yalan həyata və yalançı məmurlara ümid edib aldandıq! Biz elə bir cəmiyyət qurulmasını arzu edirik ki, insan hüquqlarının bütün spektri – sosial, dini, milli özünü ifadə, milli-mənəvi dəyərlər sistemi, ifadə azadlığı, bərabərhüquqlu yaşayış prinsipləri, eləcə də digər fundamental hüquq və azadlıqlar qanunlarla müdafiə olunsun! Ölkəmizdə hər bir xalqın mental irsi - dili, dini, mədəniyyəti, adət-ənənəsi, tarixi və digər milli keyfiyyətləri dövlət tərəfindən yüksək səviyyədə hifz olunsun, inkişaf etdirilsin! Bu yanaşmaya alternativ olmamalıdır!
Bütün bu deyilənlər azad, ədalətli və demokratik seçkilər yolu ilə, həqiqətən xalq tərəfindən seçilən parlament və həqiqətən xalq tərəfindən sevilib qəbul olunan prezident və onun komandası vasitəsilə gerçəkləşdirilməlidir!”- , sənəddə qeyd edilir.
Müraciətdə insanlar 9 oktyabrda keçiriləcək prezident seçkilərində hamılıqla iştiraka səslənir.
“Gəlin, ürək qızdırdığımız, inandığımız, bizlərə hörmət, qayğı və səmimiyyətlə yanaşan namizədi dəstəkləyək! Bu namizəd, sadaladığımız məsələlərin məsuliyyətini öz üzərinə götürən, dünya şöhrətli alim, professor Cəmil Həsənlidir!”, - bəyanatda vurğulanır. -03D-
-
- İqtisadiyyat
- 27 Sentyabr 2013 14:11
-
- İqtisadiyyat
- 27 Sentyabr 2013 14:43
Siyasət
-
İyulun 30-da Bakı Ağır Cinayətlər Məhkəməsində Həmkarlar İttifaqı fəalı Afiyəddin Məmmədovun işi üzrə prosesdə iki şahidin – Daxili İşlər Nazirliyinin çevik alayının əməkdaşları Mustafa İsmayılovun və Sadiq Həsənlinin ifadələri dinlənilib.
-
İran prezidentinin andiçmə mərasimində iştirak etmək üçün Tehrana gedən Azərbaycanın baş naziri Əli Əsədovu təkcə vitse-prezident Məhəmməd Rza Arif qəbul edib.
-
Bakı Ağır Cinayətlər Məhkəməsində jurnalistlərin məhkəmə proseslərinə buraxılması dayandırılıb.
-
Ermənistan və Türkiyə Axurik-Akyaka dəmir yolu sərhəd keçidinin bərpası imkalarını nəzərdən keçirəcəklər, Ermənistan Xarici İşlər Nazirliyi iki ölkənin xüsusi nümayəndələri Ruben Rubinyan və Sərdar Kılıçın sərhəddə görüşünün yekunları barədə bildirib, "Sputnik-Armeniya" məlumat yayıb.
Rəy yaz