Nazirlər Kabinetinin 2014-cü ilin birinci yarısında sosial-iqtisadi inkişafa həsr olunmuş iclası

Ötən gün prezident İlham Əliyevin sədrliyi ilə Nazirlər Kabinetinin 2014-cü ilin birinci yarısında sosial-iqtisadi inkişafa həsr olunmuş iclası keçirilib.

İ.Əliyevin sözlərə görə, hesabat dövründə ölkə iqtisadiyyatı 2,1% artıb, ÜDM-in həcmi, həmçinin qeyri-neft sektorunun xüsusi çəkisi artıb (+7%). Yanvardan iyuladək inflyasiya 1,6% təşkil edib, əhalinin pul gəlirləri 4,7% artıb. “Bu, istənilən ölkə üçün arzuedilən balansdır”, -o vurğulayıb.

Dövlət başçısı kənd təsəsrrüfatının təxminən 6% artdığını deyib. Ölkənin 54 milyarddan çox valyuta ehtiyatı var.  Regional inkişaf proqramının icrası nəticəsində artıq ilin altı ayında 65 min yeni iş yeri açılıb ki, bunun 52 mini daimi iş yeridir. 2003-cü ildən bu günə qədər - bu proqramlar icra edilməyə başlayandan sonra 1 milyon 300 min iş yeri açılıb ki, bunun təqribən 1 milyonu daimi iş yeridir. 

Orta əməkhaqqı artıb, indi 440 manat və ya 560 dollar təşkil edir.

Sonra o, neft-qaz sektoruna toxunub. Dövlət başçısı deyib: Bu altı ayda neft-qaz sahəsində, xüsusilə “Cənub” qaz dəhlizi ilə bağlı ciddi addımlar atılıb. İlkin tenderlər elan edilib. TANAP layihəsinin icrası, demək olar ki, artıq başlayıb. Tikintiyə hazırlıq dövrü çox uğurla gedir. Hesab edirəm ki, biz bu böyük layihəni vaxtında icra edəcəyik. “Cənub” qaz dəhlizinin təşəbbüskarı Azərbaycandır. Bu layihənin icrası nəticəsində həm Azərbaycan, həm də onun qonşuları və Avropa ölkələri böyük fayda götürəcəklər. Azərbaycan bu sahədə də liderlik keyfiyyətlərini göstərib. Bu üç layihə - “Şahdəniz-2”, TANAP və TAP Avropanın enerji xəritəsini dəyişdirəcək, Azərbaycanı çox önəmli iqtisadi və enerji tərəfdaşına çevirəcək və ən vacibi, Azərbaycan xalqının bundan sonra da iqtisadi və maliyyə məsələlərinin həlli sahəsində rifahını təmin edəcək. Biz bu layihənin icrası nəticəsində bundan sonra ən azı yüz il ərzində qaz ixracatından böyük fayda götürəcəyik və Azərbaycanın dünyadakı rolu daha da artacaq”.

Müşavirədə iqtisadiyyat və sənaye naziri Şahin Mustafayev, kənd təsərrüfatı naziri Heydər Əsədov,  əmək və əhalinin sosial müdafisi naziri Səlim Müslümov çıxış ediblər.17D—