
2003-cü ildən bu yana Dövlət Neft Fondunun ümumi xərcləri 49,79 mlrd manat ($63 mlrd) olub.
2003-cü ildən 1 yanvar 2014-cü ilə kimi ARDNF-dən dövlət büdcəsinə transfertlər 46 mlrd 435 mln manat olub.
Fondun məlumatına görə, bundan başqa, 1 yanvar 2014-cü il üçün "Bakı-Tbilisi-Qars yeni dəmir yolu" layihəsinin maliyyələşdirilməsinə 367,1 mln manat, Samur-Abşeron suvarma sisteminin yenidən qurulmasına 1 mlrd 69,4 mln manat yönəldilib.
ARDNF-nin məlumatına görə, fonddan qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 1 mlrd 457,8 mln manat, "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"nın maliyyələşdirilməsinə 87,8 mln manat, Star" neft emalı kompleksinin tikintisinə 372,6 mln manat yönəldilib.
ARDNF 2003-cü ildən dövlət büdcəsinə transfertlərə başlayıb.
ARDNF dövlət başçısının fərmanı ilə 29 dekabr 1999-cu ildə yaradılıb və dövlət başçısına hesabat verən orqandır. Fondda neft kontraktlarından, o cümlədən mənfəət neftinin və qazın satışından, neft və qaz nəqlindən, dövlət əmlakının icarəsindən və s. əldə edilən gəlirlər toplanır. –0--
Rəy yaz