Neft Fondundan transfertlər büdcə mədaxilinin 60%-dən çoxdur
Maliyyə Nazirliyinin saytında (http://www.maliyye.gov.az/node/1552) 2013-cü ilin birinci rübündə dövlət büdcəsinin icrası barədə məlumat açıqlanıb. Büdcə mədaxili 4669,6 mln manat (proqnoza nisbətən (+31%), xərcləri 4514,8 mln manat (+58,8%) olub. 154,8 mln manat məbləğində büdcə artıqlığı (profisit) yaranıb.
Gəlirlər hissəsi əsasən Neft Fondundan transfertlər – 2 mlrd 840,4 mln manat (60,83%), Vergilər Nazirliyi (1523,5 mln manat) – 32,6%, ötən il 39,9%) və Gömrük Komitəsinin (289,5 mln manat) hesabına təmin edilib.
Xərclər hissəsi investisiya yönlü olub (42,37%). İnvestisiya layihələrinə 1 mlrd 688 mln manat xərclənib (proqnozdan və ötən ilkindən 1,9 dəfə çox). Bunun 225 mln manatı sosial obyektlərə, qalanı meliorasiya, nəqliyyat, kommunal sahə və s. xərclənib. Bu növ üzrə dövlət sərmayələri 1 mlrd 913 mln manat – ötən ilkindən 929 mln çox olub. Sosial ehtiyaclara (əmək haqqı fondu, müavinət və pensiyalar, ərzaq təhlükəsziliyi, dərman alınması) 25,8% (ötən il 41,4%) – 1 mlrd 164 mln manat sərf edilib.
Faiz nisbətində daha çox iqtisadi fəaliyyət növləri – 2,1 dəfə və ya 49,5 mln manat, müdafiə xərcləri 1,5 dəfə və ya 100 mln manat artıb. Ekologiya və kənd təsərrüfatı xərcləri də ciddi artıb – 49,1% və ya 29,1 mln manat. Müqayisə üçün deyək ki, səhiyyə xərclərində 13,2% artım olub.
Mütəxəssislər ehtimal etdiyi kimi, Neft Fondundan transfertlərin artması və onun meliorasiya və tikintiyə investisiya məqsədi ilə büdcə gəlirlərində 61% -ə çatması (bu sahələrdə şəffaflıq lap azdır) tendensiyaya çevrildi.--17D—
-
- İqtisadiyyat
- 19 Aprel 2013 15:07
-
- İqtisadiyyat
- 19 Aprel 2013 16:35
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz