Sərnişinlərin ehtiyacını ödəmək üçün Bakıda əlavə 1200 avtobus alınmalıdır. Bu barədə 2 fevralda Avropa Olimpiya Oyunları üzrə Təşkilat Komitəsinin iclasında paytaxtın avtobus parkına nəzarət edən nazir Ziya Məmmədov bildirib.
Bakıda avtobus parkınln yenilənməsi 2008-ci ildən başlanılıb. O vaxt marşrutlardan 1500 avtobus və mikroavtobus çıxarılıb. Onları yeni avtobuslar əvəz edib, onların 200-dən çoxunu Nəqliyyat Nazirliyi dövlət büdcəsinin hesabına alıb. Proses qeyri-şəffaf gedib və bu avtobuslardan kimin istifadə etdiyi məlum deyil. Bakıda “Bakı Sərnişin Nəqliyyati”nın tabeliyində bir neçə müəssisə var. Nazirin ailəsinə məxsus “Transgate” şirkəti avtobus sərnişin daşımalarında liderdir.
Nəqliyyat Nazirliyi 2009-cu ildən Bakıda avtobuslarda kart sisteminə keçmək planından danışır. Amma hələ də gediş haqqı nağd şəkildə sürücülərə ödənilir. Onlar sutkalıq plan sistemi ilə işləyir və praktik olaraq maaş almırlar. 2008-2009-cu illərdə alınan avtobusların çoxu köhnəlib, çünki sürücülər pul toplamaq üçün daha çox sərnişin yığırlar. Bu isə insan ölümü də daxil müxtəlif qəzalara səbəb olur.
Bakıda avtobus parkınln yenilənməsi ideyasını dəstəkləyən prezident İlham Əliyev deyib ki, “bu məsələyə ayrıca baxarıq”. Nəqliyyat Nazirliyinin məlumatına görə, 2012-ci ildə xətlərə 200 iri, 250 orta tutumlu avtobus buraxılıb. 2013-cü ilin əvvəli üçün Bakıda 2 321 avtobus işləyir. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz