![Nəqliyyat naziri yol tikintisində nöqsanları etiraf etdi](https://turan.az/resized/media/2013/main/022200029457-750-500-resize.webp)
Nəqliyyat naziri yol tikintisində nöqsanları etiraf etdi
Avtomobil yollarının əsaslı təmiri və tikintisi layihələrinin icrası standartlara uyğun gəlmir, bir sıra layihələr vaxtında başa çatdırılmır. Bu barədə Nəqliyyat Nazirliyində avtomobil yolları layihələrinin icra vəziyyəti ilə bağlı kollegiya iclasında nazir Ziya Məmmədov bildirib.
Nazir qeyd edib ki, bir çox podratçılar layihələrin icrası müddətində gecikmələrə yol verir. O, icra intizamının möhkəmləndirilməsi, nəzarət sisteminin gücləndirilməsi, layihələrin idarəedilməsi sisteminin təkmilləşdirilməsi ilə bağlı müvafiq göstərişlər verib. Nazir yol istismar idarələri tərəfindən avtomobil yollarının və yol qurğularının cari saxlanış vəziyyətinin lazımi səviyyədə təmin olunmamasını tənqid edib. Z.Məmmədov tələb edib ki, infrastruktur obyektlərinin mühafizə zolağında qanunsuz tikililərlə bağlı aidiyyəti üzrə tədbirlər görülsün.
İclasda “Azəryolservis” ASC və podtarçı təşkilatların nümayəndələri çıxış edib.
Nəqliyyat Nazirliyinin mətbuat xidmətinin məlumatında yol tikintisi layihələrinin maliyyə tərəfinin müzakirəsi barədə heç nə bildirilmir. Müstəqil ekspertlər qeyd edir ki, yol tikintisinə ayrılan vəsaitlərin bir hissəsi korrupsiya yemidir.
2012-ci ildə Nazirliyin xətti ilə 537,2 km avtomobil yolu tikilib və əsaslı təmir edilib 25 körpü tikilib. Nəqliyyat Nazirliyi Bakıda 2,8 km yeni yol çəkib, 104,4 km yolu təmir edib. 08D
-
- Siyasət
- 22 Fevral 2013 15:50
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz