Nazirlər Kabineti avqustun 21-də «Nəqliyyat vasitələri və qoşqulara dövlət texniki baxışı qaydaları haqda nümunəvi Əsasnamə» dəyişikliklər barədə qərar qəbul edib.
Dəyişikliyə əsasən, traktorlar, həmçinin meşə və kənd təsərrüfatında istifadə edilən digər mexaniki nəqliyyat vasitələri, hüquqi və fiziki şəxslərin yarış məqsədli idman nəqliyyat vasitələri, hüquqi və fiziki şəxslərin ümumi istifadədə olan küçə-yol şəbəkəsində istismar üçün nəzərdə tutulmayan texnoloji nəqliyyat vasitələri, avtobuslar, mümkün maksimal yükü 3,5 ton olan yük maşınları, təhlükəli yük daşınması üzrə xüsusi texnika ildə 1 dəfə texniki baxışdan keçməlidir. Bu tələb tramvay və trolleybuslara da aiddir. Bu nəqliyyat vasitələri buraxılışından bir il sonra texniki baxışdan keçməlidir.
Bütün digər mexaniki nəqliyyat vasitələri, onların qoşqu və yarımqoşquları buraxılışından 4 il sonra texniki baxışdan keçməlidir. Bu müddət keçəndən sonra onlar 2 ildə bir, 10 ildən sonra hər il texniki baxışdan keçməlidir.
Dövlət texniki baxışını DİN yanvarın 1-dən oktyabrın 31-dək keçirir.
Azərbaycanda mexaniki nəqliyyat vasitələrinin sayı 1,2 mln-dur. Onların 50%-nin istifadə müddəti 10 ili keçib. Əvvəllər ictimai təşkilatlar nəqliyyat vasitələrinə texniki baxışın müddətinə yenidən baxılmasını, bu prosesə özəl strukturların cəlb edilməsini təklif edib. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz