Nikoil Bank «Qala 2012 ExtremeTrial» avtoyarışının baş sponsoru oldu

“Nikoil Bank” Qala tarix-etnoqrafiya qoruğunun ərazisində keçirilən ikinci beynəlxalq «Qala 2012 ExtremeTrial» yarışının baş sponsoru olub. 

 Bankdan verilən məlumata görə, Gənclər və İdman Nazirliyi, “İçərişəhər” tarix-memarlıq qoruğu və "OFFROAD'' idman klubunun təşkil etdiyi yarışda Türkiyə, Gürcüstan və Azərbaycan komandaları iştirak edir. Yarışdan bir gün əvvəl avtomobillər texniki baxışdan keçiriliblər. Sonra iştirakçılar «Qala» qoruğuna gediblər. Orada 5 ha ərazidə 3 ay ərzində belə Ralli yarışları üçün 3 kateqoriya üzrə – Standart, Monstr və Ekstrim xüsusi yol çəkilib. Rüfət Nəsibovun rəhbərlik etdiyi Nikoil komandası «Ekstrim» kateqoriyasında birinci olub. Nikoil bank İH sədri Vasili Xamaza qeyd edib ki, bu qələbə bankın on illiyinə hədiyyədir. 

«Bu gün yenə göstərdik ki, qələbə səyi bankımızın vizit kartıdır. Bunlar həm də dağ zirvələrinin fəthi, reqata və ənənəvi kroslarda iştirakdır. Bu cür mürəkkəb trassada belə rəqabət şəraitində qələbə qaznmaq xoşdur», - deyə Xamaza bildirib. 

Turnirdə əsas məqsəd bu idman növünün populyarlaşması, təhülkəsiz idarəetmənin təbliğidir. Yarışda 45 avtomobil iştirak edib. Bunun 30-u Azərbaycandan olub. 

Bu, Nikoil Bankın sponsorluq etdiyi ilk ralli deyil. Birinci belə yarış bankın dəstəyi ilə 2012-ci ilin fevralında Qəbələdə keçirilib. –15D--