NIKOIL | Bank yeni korporativ saytını istifadəyə verdi!

NIKOIL|Bank, yeni korporativ www.nikoil.az saytını müştərilərinin istifadəsinə təqdim edir. Dünya və korporativ standartlara, həmçinin qanunvericilik tələblərinə uyğun olaraq tətbiq edilən fərdi dizayn yanaşması sayəsində saytın bölmələrinin strukturu və məzmunu yenidən qurulmuş və bununla da müştərilərin istifadəsi üçün maksimal rahatlıq təmin olunmuşdur.

Bank haqqında ümumi məlumat, onun tarixi, strategiyası, təşkilati strukturu, missiya və maliyyə göstəriciləri ilə yanaşı, müştərilər eyni zamanda Bankın cari məhsulları və onların şərtləri, xüsusi təkliflər, ən son xəbərlər, NİKOİL/Time korporativ jurnalının rüblük elektron versiyası ilə yaxından tanış ola, eləcə də bu və ya digər Bank məhsulu, yaxud məhsul xəttini həm özləri, həm də bank əməkdaşlarının onlayn məsləhəti vasitəsilə seçə bilərlər.

Rahat mobil versiya müştərilərə saytın bütün özəlliklərindən smartfon və planşetlərdə istifadə etmək imkanını verir.

Onlayn kredit və plastik kart sifarişi, kredit və kommunal ödənişlər, əmanət və kredit kalkulyatoru, Sizə uyğun məhsula görə köməkçi, internet-banking, Bankın bütün filial və bankomat şəbəkəsinin yerləşməsini dəqiq göstərən xəritə və digər qeyd olunmayan bütün xidmətlər “NİKOYL” İKB-nin yeni korporativ saytının xidmətlər cəmidir.

Bu gün "NİKOYL" İKB  əhaliyə milli və xarici valyutada  həyata keçirilən  hesablaşma,  kredit, kart, zəmanət, banklararası, sənədli və digər əməliyyatların da daxil olduğu xidmətlərin tam paketini təklif edən universal maliyyə-kredit təşkilatıdır. Bankın filial şəbəkəsi Bakı, eləcə də Azərbaycanın bölgələrində yerləşmiş 21 satış məntəqəsindən ibarətdir.“NIKOIL Bank”ın bütün bank məhsulları, aksiyaları və xüsusi təklifləri haqqında məlumatı (012) 981 qısa nömrəsinə zəng edərək almaq mümkündür.

Bankın sosial şəbəkədə rəsmi səhifəsinin ünvanı:https://www.facebook.com/bank.nikoil?ref=hl