NIKOIL | Bankidmanın inkişafını aktiv şəkildə dəstəkləyir

“NİKOYL” İKB ASC-nin əməkdaşları şərq döyüş növləri üzrə beynəlxalq yarışlarda uğurla iştirak etmişlər. Latviyanın paytaxtı Riqa şəhərində veteranlar arasında baş vermiş Pribaltika Olimpiadasında karate üzrə dünya çempionu və Avropanın ikiqat çempionu olan, Mərkəzi filialın əsas mütəxəssisi Həsən Quliyev 85+ çəki kateqoriyası üzrə iştirak etmiş, nəticədə isə birincilik rəmzi qızıl medal əldə etmişdir. Pribaltika Olimpiadasındakı qələbəsindən sonra, Həsən Quliyev Avropa çempionatının keçirildiyi Latviyanın Dauqavpils şəhərinə yollanmışdır. Nəzərdə tutulan yarışda individual çıxışda Həsən 3-cü yer, lakin komanda yarışlarında isə komandamız kumite üzrə rəqiblərə heç bir şans vermədən çempionatın əsas mükafatını – qızıl medalları qazanmışlar.

“NİKOYL” bankın digər əməkdaşı, Gəncə filialının mütəxəssisi Samir Əliyev ölkəmizi Ukraynanın Lvov şəhərində təmsil etmişdir. Burada 16-18 aprel tarixlərində qaydasız döyüş üzrə MM1 saylı Avropa çempionatı keçirilmişdir. Çempionatda əməkdaşımız 75 kq-a qədər çəki kateqoriyası üzrə ikinci yeri tutmuşdur. Xatırladaq ki, Samir dəfələrlə beynəlxalq yarışların qalibi olmuş, Avrasiyanın çempionu və kikboks üzrə Azərbaycanın 7 qat çempionu olmuşdur. 

“NİKOYL” İKB ASC kollektivi bütün səmimiliklə əməkdaşlarını belə böyük nailiyyət münasibətilə təbrik edir və bu nailiyyətlərlə kifayətlənməməyi arzulayır.

Bu gün "NİKOYL" İKB  əhaliyə milli və xarici valyutada  həyata keçirilən  hesablaşma,  kredit, kart, zəmanət, banklararası, sənədli və digər əməliyyatların da daxil olduğu xidmətlərin tam paketini təklif edən universal maliyyə-kredit təşkilatıdır. Bankın filial şəbəkəsi Bakı, eləcə də Azərbaycanın bölgələrində yerləşmiş 21 satış məntəqəsindən ibarətdir. “NIKOIL Bank”ın bütün bank məhsulları, aksiyaları və xüsusi təklifləri haqqında məlumatı (012) 981 qısa nömrəsinə zəng edərək və ya rəsmi saytdan www.nikoil.az almaq mümkündür.

Bankın sosial şəbəkədə rəsmi səhifəsinin ünvanı:https://www.facebook.com/bank.nikoil?ref=hl